Ambasadori ukrainas në vendin tonë Vitali Moskalenko i bëri sërish thirrje vendit tonë që të dërgojë armë sovjetike në Ukrainë. "Bullgaria duhet të jetë më vendimtare dhe të veprojë në sinkron me të gjithë Evropën dhe botën euroatlantike lidhur me luftën në Ukrainë," tha ai në një intervistë për Nova TV. Ambasadori theksoi faktin se Sofja mbështet luftën e drejtë për liri dhe pavarësi të vendit të tij, si dhe sanksionet ndaj Rusisë. Vitali Moskalenko paralajmëroi se ofensiva kundër Ukrainës prek të gjithë Evropën dhe ekziston rreziku i një kërcënimi bërthamor. Ai komentoi gjithashtu sulmin që vrau vajzën e ndihmësit të presidentit rus, Aleksandër Dugin. "Është stili i Putinit të fajësojë Ukrainën për vrasjen e Daria Dugina," tha ambasadori.