Mundësitë për diversifikimin e energjisë, importimin e gazit natyror dhe naftës nga Emiratet e Bashkuara Arabe po diskutohen në kuadër të vizitës zyrtare të presidentit të Bullgarisë Rumen Radev në Abu Dabi me ftesë të Presidentit të vendit, Sheik Mohamed bin Zajed Al Nahjan. Presidenti bullgar hapi një forum biznesi në kryeqytetin e Emirateve të Bashkuara Arabe, në të cilin marrin pjesë përfaqësues të kompanive nga të dyja vendet. Në delegacionin bullgar që shoqëron presidentin ka edhe përfaqësues të biznesit në fushën e prodhimit të hidrogjenit të gjelbër. Radev vuri në dukje se Bullgaria ka teknologji, potencial shkencor dhe burime natyrore për të prodhuar sasi të mëdha të karburantit të së ardhmes - hidrogjen të gjelbër dhe për ta eksportuar atë.

• Presidenti Rumen Radev bëri homazhe para Memorialit të të vdekurve në Abu Dabi