Programi i ditës
Radioja Kombëtare Bullgare © 2022 Të gjitha të drejtat janë të rezervuara

“130 vjet nga krijimi i revistës “Misëll” – ekspozitë në Akademinë Bullgare të Shkencave

Foto: nationallibrary.bg

Edhe sivjet Akademia Bullgare e Shkencave përfshihet në nismën “Ditë Evropiane të Trashëgimisë – Sofje”. Më 17 shtator, në kuadrin e veprimtarisë, një ciceron turistik do t’u tregojë mysafirëve të akademisë historinë e institucionit më të vjetër në Bullgarinë moderne. Biseda do të shoqërohet me shfaqjen e një filmi për historinë e këtij institucioni të lashtë bullgar.

Në të njëjtën ditë, në hyrjen e ndërtesës do të hapet ekspozita me titullin “130 vjet nga krijimi i revistës “Misëll” - një shfaqje e ndritshme bullgare në trashëgiminë kulturore evropiane”, e cila i kushtohet një prej botimeve më domethënëse në periodikun bullgar. Revista u shfaq në kufirin midis dy shekujve, kur inteligjenca bullgare kuptoi përkatësinë e saj në traditat evropiane dhe tashmë kishte prirje ndaj kërkimeve moderne.

Në fund të shekullit të 19-të dhe në fillim të shekullit të 20-të, rreth revistës u krijua rrethi i parë letrar në Bullgari mbi baza thjesht estetike - rrethi i famshëm “Misëll” (Mendimi). Themeluesit ishin Dr. Krëstjo Krëstev dhe Penço Sllavejkov. Që në vitet 90-të mes tyre u krijua një lidhje e fortë shpirtërore, e cila do t’i kthente në ideologë të rrethit që formohej rreth revistës. Ata tërhoqën dhe mbrojtën krijuesit më të rinj Pejo Javorov dhe Petko Todorov, dhe kështu Rrethi “u mbyll”.

Përpilues: Veneta Nikollova

Përgatiti në shqip: Svetllana Dimitrova

Më shumë nga rubrika

Festivali i artit shqiptar – një urë lidhëse midis dy popujve miq

21 nëntori i këtij viti shënoi një ngjarje të rëndësishme, Festivalin e Parë të Artit Shqiptar në Sofje. Ky është eventi i parë i këtij lloji, që zhvillohet në Sofje, organizimi i të cilit u bë nën patronazhin e Ministrit të Kulturës të Bullgarisë,..

botuar më 22-11-25 4.49.MD

Opera e qytetit Stara Zagora prezantoi “Zërat e Shqipërisë”

Pesë muzikantë të njohur shqiptarë - violinistët Abigeila Voshtina dhe Visar Kuçi, Herida Duro - violë, Mario Guralumi - violonçel dhe sopranoja Besa Llugiqi, prezantuan para publikut të qytetit Stara Zagora veprat më domethënëse të kulturës shqiptare,..

botuar më 22-11-24 12.15.MD

Zbulimet fotografike të përkthyeses Zhasmina Panajotova

Një flutur, që shkëlqen në ngjyrat e diellit; uji dhe loja e tij me realitetin; një zog zgjat me uri sqepin për një kafshatë ushqimi... Mijëra herë në ditë kalojmë gjëra të vogla në botën përreth nesh pa u ndalur, pa ngulur sytë, pa e lejuar veten..

botuar më 22-11-23 7.15.PD