Qytetarët ukrainas kanë filluar të largohen nga hotelet në vendpushimin “Sllënçev Brjag” në Detin e Zi, duke pritur një vendim nga Shtabi Kombëtar Operacional, nëse programi për ndihmën e tyre humanitare, i shpallur deri më 31 tetor, do të zgjatet. Një pjesë e ukrainasve shkojnë në Konstancë të Rumanisë, ku ka një program të sigurt deri në qershor. Ndërkohë, një komision nga Policia Ekonomike, oficerët e policisë në Nesebër, Agjencia Bullgare e të Ardhurave dhe Agjencia për Mbrojtjen e Fëmijëve po kryen kontrolle në hotele për të përcaktuar numrin e refugjatëve ukrainas. Sipas informacioneve të pakonfirmuara, mospërputhje të konsiderueshme janë gjetur në disa nga hotelet në “Sllënçev Brjag”, ku ishin akomoduar shtetasit ukrainas, raportoi BNR Varna.