“Ndryshimet në Kodin Zgjedhor, të votuara në lexim të dytë nga komisioni ligjor i Kuvendit Popullor, me shumë gjasa nuk janë antikushtetuese, por janë të gabuara dhe të dëmshme”. Kështu deklaroi Ministri i Drejtësisë nga qeveria e përkohshme Krum Zarkov në një konferencë ku prezantoi propozimet e ekipit të tij për statusin e Prokurorit të Përgjithshëm. Ai shtoi se përdorimi i dy mënyrave të votimit është një garanci për katastrofën në procesin zgjedhor dhe kjo është dëshmuar ndër vite. Në temën e konferencës për media, ministri propozoi që Prokurori i Përgjithshëm të zgjidhet, shkarkohet përkohësisht ose lirohet para kohe me 13 vota dhe jo si më parë me 17 të Plenumit të Këshillit të Lartë Gjyqësor. Gjithashtu është planifikuar të futet një mekanizëm për hetimin e Prokurorit të Shtetit. Propozimet për ndryshime në Kodin e Procedurës Penale dhe Ligjin për Gjyqësorin janë në përputhje me rekomandimet e Komisionit të Venecias.