Në një takim dy-ditor në Bukuresht, ministrat e jashtëm të NATO-s do të diskutojnë zbatimin e vendimeve të marra tashmë në samitin e NATO-s në Madrid. Lufta në Ukrainë dhe sigurimi i mbështetjes afatgjatë politike dhe praktike nga aleatët për Kievin do të jetë tema kryesore e samitit gjatë ditës së parë.

Rusia ka të ngjarë të vazhdojë të sulmojë rrjetin energjetik të Ukrainës dhe shërbimet bazë për njerëzit, tha Sekretari i Përgjithshëm i NATO-s Jens Stoltenberg përpara forumit. Presidenti Vladimir Putin po përpiqet të përdorë dimrin si një armë ushtarake kundër Ukrainës. Nuk mund ta lëmë Putinin të fitojë, kjo do t'u tregojë liderëve të tjerë se ata mund t'i arrijnë qëllimet e tyre me forcë, theksoi Stolentberg. "Lufta ndoshta do të përfundojë në tryezën e bisedimeve, por rezultati i negociatave varet nga situata në fushën e betejës. Ne mbështesim Ukrainën", shtoi Stoltenberg.