“Po e vazhdojmë ndryshimin” presin që pas Vitit të Ri të marrin nga presidenti Rumen Radev mandatin për formimin e qeverisë, siç paralajmëroi ai. Akademiku Nikollaj Denkov, i nominuar zyrtarisht nga “Po e vazhdojmë ndryshimin” për kryeministër, deklaroi në një konferencë se u ka dërguar ftesa grupeve parlamentare që deri të enjten në mbrëmje t'i paraqesin propozimet që i konsiderojnë të rëndësishme për t’u përfshirë në programin e Kuvendit Popullor në vitin 2023, ndërsa të premten të gjitha propozimet të diskutohen në një mbledhje të përgjithshme dhe të përcaktohen prioritetet e qeverisjes. Në bazë të këtyre propozimeve, “Po e vazhdojmë ndryshimin” do të përgatisë një deklaratë programore. Nëse nuk mbështetet, “Po e vazhdojmë ndryshimin” do ta kthejë mandatin të paplotësuar. Nëse propozohet një qeveri, ajo do të përbëhet nga ekspertë, por pas tyre do të qëndrojnë partitë politike që e mbështesin kabinetin për të qenë politikisht përgjegjës, tha Denkov. Ndër projektligjet prioritare për partinë janë Kodi Zgjedhor dhe Ligji kundër Korrupsionit.