Nga 150 deri në 300 euro vlejnë publikimet me pagesë të shërbimeve ruse në mediat bullgare, pohon gazetari i Bellingcat, Hristo Grozev. “Shuma jo shumë të mëdha çojnë në ndikim të rëndësishëm në vetëdijen publike në Bullgari, gjë që nuk duhet të ndodhë. Darko Todorovski është ky gazetar maqedonas... Ai nuk është një gazetar i vërtetë, por një korrespondent që merr detyra nga Rusia dhe përmes rrjetit të tij në Bullgari arrin t'i botojë këto shkrime”, tha Grozev për Nova TV. Ai shtoi se nuk mund të thotë me siguri se ka agjentë rusë në parlamentin bullgar, por përsëriti se ata janë të shumtë në jetën publike.