GERB nuk do të mbështesë një qeveri me mandat të “Bullgarisë Demokratike” nëse në të ka përfaqësues të “Po e vazhdojmë ndryshimin” (PP). Këtë e deklaroi në qytetin Ruse kryetarja e grupit parlamentar të GERB-it, Desisllava Atanasova. Sipas saj, PP nuk bënë përpjekje për formimin e kabinetit dhe po e shtyjnë vendin drejt zgjedhjeve të parakohshme. GERB gjithashtu nuk do të mbështeste një qeveri me një mandat të BSP ose “Vëzrazhdane”.

Më herët gjatë ditës së sotme, kur “Po e vazhdojmë ndryshimin” e ktheu mandatin e dytë të paplotësuar, Rumen Radev sinjalizoi se po mendon të mos i dorëzojë mandatin e tretë dhe të fundit “Bullgarisë Demokratike”. Motivi i tij ishin deklaratat e liderëve të partisë se “e vetmja mënyrë për të formuar një qeveri me mandatin e tretë është nëse arrihet një marrëveshje mes “Bullgarisë Demokratike”, GERB-SDS dhe PP.