Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Dita e Ndihmës së Maternitetit - një festë në të cilën ka lot gëzimi dhe dashurie

Foto: pixabay

21 janar - këtë ditë në Bullgari nderojmë të gjithë specialistët që ndihmojnë që jeta të shfaqet në botën e bardhë. Secili prej nesh duhet të ndiejë mirënjohje ndaj mamive, mjekëve obstetër-gjinekologë, neonatologëve dhe të gjithë specialistëve që punojnë në sferën e maternitetit dhe kujdesit të foshnjave. Dita e Ndihmës së Maternitetit festohet që nga viti 1951, kur me një dekret të Kuvendit Popullor u caktua data 21 janar në përputhje me festën e Ditës së Gjyshes /stili i vjetër/. 

Tradita

Festa nis herët në mëngjes me rituale solemne në të gjitha repartet e gjinekologjisë të spitaleve dhe klinikave në vend.

"Lumturia në profesion – ajo është si e kripura dhe e ëmbla, njeriu zgjedh se çfarë të provojë, sepse ka si momente lumturie, ashtu dhe vështirësi, por ne u kushtojmë vëmendje momenteve të lumtura dhe kështu ato shumohen" - thotë mamia Nadezhda Stamenova nga spitali “Nadezhda” (“Shpresa”) në eterin e BNR-Radio Sofja. Kolegët e cilësojnë si një specialiste jashtëzakonisht të përkushtuar që kërkon një qasje moderne për të ndihmuar nënat dhe të porsalindurit e ardhshëm. Ajo vetë thotë se profesioni i saj është unik: "Nuk është vetëm kujdesi mjekësor, por që je aty dhe prek jetën e re, fillimin e lumturisë së njerëzve - kjo është ajo që e bën këtë profesion të ndryshëm nga të gjitha të tjerat."

Nadezhda Stamenova

Bullgarët që jetojnë në anën tjetër të globit, por kthehen për të lindur fëmijën e tyre në shtëpi, në Bullgari, shpesh vijnë tek ajo në spital. “Kjo është një njohje e madhe për ne”, shton Nadezhda Stamenova, “sepse sado pesimiste të jemi, në Bullgari kujdesi për gratë bullgare, gratë shtatzëna dhe foshnjat është në një nivel të mirë në shumicën e reparteve të gjinekologjisë në vend.

21 janari është festë edhe për dr. Emill Abaxhiev, shef i Departamentit të Obstetrikës dhe Gjinekologjisë në Spitalin Multidisiplinar në Tërgovishte, i cili i ka kushtuar më shumë se 30 vjet prej jetës së tij profesionit. Dr. Abaxhiev thotë se gjëja më e mahnitshme në punën e tij është të shohë se si një grua e percepton faktin që është bërë nënë.

“Prindërit e mi janë mjekë - babai im është mjek obstetër-gjinekolog, nëna ime ishte shefe e sektorit të neonatologjisë për një kohë të gjatë dhe më pas e departamentit të pediatrisë në spitalin tonë. Kështu qe unë nuk njoh një jetë tjetër veçse ajo mes njerëzve të këtij profesioni.”

Dr. Emill Abaxhiev me modesti e përkufizon veten si një person për të cilin nuk ka asgjë tjetër për të thënë, përveç se i kushton pak kohë familjes dhe shumë më tepër punës. Mungesat e tij më të gjata në punë janë për një fundjavë, kur udhëton diku në Bullgari për të parë diçka të re nga bukuria e atdheut tonë. Ai është i lumtur që ka një grua që e mbështet dhe kujdeset për familjen:

Dr. Emill Abaxhiev

“Gratë janë me të vërtetë kujdestaret e familjes. Janë njerëzit që e organizojnëfamiljen dhe arrijnë t'i bëjnë të tjerët që i rrethojnë të ndihen rehat. Jam me fat që kam një grua të tillë. Sa për pyetjen nga e marr energjinë time - gjithmonë kam menduar se ka gjëra që duhen bërë dhe në jetën e mjekëve nuk duhet të ketë ankesa të vogla si - sa i lodhur jam tani. Në profesionin tonë ndonjëherë bëhet fjalë për minuta shumë të vlershme dhe nuk mund të jesh i lodhur. Për të qenë në gjendje të ndihmosh njerëzit që vijnë tek ti jo nga kënaqësia, por nga nevoja, duhet të jesh adekuatme situatën. Kam pasur shumë herë mundësinë ta ndërroj spitalin në qytetin tim të Tërgovishtës dhe të shkoj në një vend më prestigjioz, por nuk mendoj se kjo do të ishte më e dobishme për mua dhe ndiej përgjegjësi ndaj vendit ku jam rritur. Dhe nëse mund t'i ndihmoj njerëzit këtu me ndonjë gjë, ky është profesioni, ajo që bëj më së miri."

Përgatiti në shqip:Vesella Mançeva

Përpiloi: Gergana Mançeva /është përdorur intervista e Ivelina Ivanovës, BNR-Shumen/

Foto: BGNES, BNR, arkiv, pixabay




Последвайте ни и в Google News Showcase, за да научите най-важното от деня!

Më shumë nga rubrika

Vazhdon Shkolla Verore e Gjuhës Bullgare në Tiranë

Java që kaloi ishte mjaft e pasur në përmbjatje në Shkollën Verore të Gjuhës dhe Kulturës Bullgare në Tiranë. Gjatë këtyre ditëve, përveç mësimit të gjuhës praktike të bullgarishtes, të drejtuara nga Prof. As. Dr. Raqi Bello, lektor i gjuhës dhe..

botuar më 24-07-17 3.20.MD
Viktor Lillov

Viktor Lillov u bë nxënësi i parë bullgar që fitoi medaljen e artë nga turnetë më të fortë të biologjisë dhe kimisë

Nxënësit bullgarë fituan një komplet të plotë medaljesh - ari, argjendi dhe bronzi - në Olimpiadën e 35-të Ndërkombëtare të Biologjisë (IBO), e cila u mbajt në Kazakistan. Në turneun më prestigjioz të biologjisë pëe vitin në botë, bullgarët testuan..

botuar më 24-07-17 3.18.MD
Ivajllo Vëllçev

Ivajllo Vëllçev: eurodeputeti për herë të parë

Të martën ishte sesioni i parë konstituiv i Parlamentit të ri Evropian për konstituimin e Parlamentit të ri, krijimin e komisioneve parlamentare dhe zgjedhjen e kryetarit të ri të institucionit. Kandidatura e Ursula von der Leyen për presidente të..

botuar më 24-07-17 6.05.PD