Lufta e Rusisë në Ukrainë dhe ndihma ushtarake e Iranit për Rusinë janë ndër temat që ministrat e jashtëm të BE-së do të diskutojnë në një takim në Bruksel.

Presidenti i Këshillit Evropian, Charles Michel, u bëri thirrje vendeve të BE-së që të vazhdojnë negociatat për përdorimin e aseteve të sekuestruara të bankës qendrore ruse prej 300 miliardë dollarësh për rindërtimin e Ukrainës, raporton "Financial Times".

Presidenti ukrainas Volodimir Zelenski i tha televizionit publik gjerman ARD se tani nuk është koha që Ukraina të tregtojë, por të mbijetojë. Ai falënderoi Berlinin për ndihmën e dërguar deri më tani, por theksoi se Ukraina ka nevojë për tanket gjermane Leopard dhe se ato nuk do të përdoren në territorin rus.