Muzeu Kombëtar i Historisë Ushtarake (MKHU) në Sofje ka organizuar ekspozitën "Kujtesa për të ardhmen". Me të, muzeu rinovon traditën në fillim të çdo viti të prezantojë disa prej eksponatave më interesante të dhuruara në vitet e mëparshme, një nismë e mirë që u pezullua gjatë pandemisë.
Në ekspozitën e re, figura të rëndësishme të historisë bullgare janë paraqitur pikërisht përmes sendeve të tyre dhe objekteve të marra nga strukturat e Ministrisë së Mbrojtjes. Prezantohen ekspozita emblematike, si shënimet e shkruara me dorë të gjeneral-majorit Georgi Abadxhiev, çantë shpine oficeri gjermane nga Lufta e Parë Botërore që i përkiste gjeneralmajorit Marko Nikiforov, shpata të oficerëve nga familja e famshme Kutinçev, një pagure ushtarake marshimi nga Lufta Ballkanike dhe një bajonetë pushke „Manliher“ е paraardhësit të pikturës së betejës bullgare Jaroslav Veshin.
Ndër artefaktet më moderne është një kostum fluturimi dhe shenja e pilotit të Gjeneralit Miho Mihov. Në edicionin e fundit të ekspozitës para pandemisë, në fillim të vitit 2020, u prezantuan para publikut afro 900 artefakte të personaliteteve të njohura bullgare.
Përpilues: Gergana Mançeva
Përgatiti në shqip: Kostandina Bello
Foto: Muzeu Kombëtar i Historisë Ushtarake
Monospektakli "Zoti Ibrahim dhe lulet e Kuranit" i Marius Donkin bazuar në veprën me të njëjtin emër të Eric-Emmanuel Schmitt fitoi çmimin e madh në edicionin e sivjetmë të Festivalit Ndërkombëtar "MonoAkt" në Kosovë, njoftoi "Koha Ditore". Monodrama e..
Një këndvështrim tjetër mbi shkencën e Arkeologjisë - si bazë për komunikim, ndarje publike të trashëgimisë evropiane dhe akses më të lehtë në të - jep iniciativa Ditët Evropiane të Arkeologjisë 2024, e cila zhvillohet në një sërë vendesh të kontinentit...
Me dëshirën për t'u hapur ndaj botës, pas viteve të gjata të izolimit në ish-kampin socialist, Bullgaria dhe Rumania u bashkuan në vitin 1994 në Organizatën Ndërkombëtare të Frankofonisë. Një nga vlerat kryesore të komunitetit frankofon është arsimi..