Një aeroplan transporti ushtarak “Spartan” me ndihmën humanitare për të dëmtuarit e tërmetit të fortë në Siri niset më 16 shkurt, në orën 10:00, nga baza ajrore “Vrazhdebna” drejt Libanit. Në bord ka 2.5 ton batanije, komplete gjumi dhe tenda nga Kryqi i Kuq i Bullgarisë dhe Ministria e Brendshme. I njëjti avion do të kthejë në Bullgari nga Turqia ekipet mjekësore të Akademisë Mjekësore Ushtarake, të cilat prej 10 ditësh u ndihmojnë të dëmtuarve.

Kjo është ndihma e parë që po dërgohet në Siri, ne do të japim periodikisht dhe më shumë, tha ministri i brendshëm në detyrë Ivan Demerxhiev. “Procedura filloi me një bisedë me komisionerin evropian Janez Lenarçiç, i cili është përgjegjës për menaxhimin e krizave. Ai sqaroi se sipas mekanizmit, pas pajtimit të autoriteteve siriane ndihma do të kalojë përmes Libanit”. Nga Bejruti në Damask, ndihmat do të transportohen me kamionë të Kryqit të Kuq dhe Gjysmëhënës së Kuqe, shtoi Demerxhiev.

• Po dërgojmë më shumë ndihmë në Turqi dhe Siri në kuadrin e Mekanizmit të Mbrojtjes Civile të BE-së dhe Kryqit të Kuq të Bullgarisë