Bullgaria solidarizohet me Ukrainën dhe prodhuesit ukrainas. Së bashku me BE-në, ajo mbështeti korridoret e solidaritetit si një mjet për të ndihmuar në luftimin e urisë në botë. Por këto korridore janë një kanal për importe të paprecedentë pa taksa doganore në BE, tha zëvendësministri i фujqësisë Georgi Sëbev në Dobriç (Bullgari Verilindore). Sipas tij, Bullgaria, Rumania, Polonia, Hungaria, Republika Çeke dhe Sllovakia janë "viktimat më të mëdha". Për vendet e tjera problem është importi i misrit dhe grurit. Më problematike për Bullgarinë është importi i lulediellit. Për një vit ai u rrit nga 37 000 tonë në më shumë se 830 000 ton, tha Sëbev dhe siguroi fermerët vendas se Bullgaria do të marrë kompensime të reja nga BE, mbi 16,75 milionë eurot e premtuara. Në datat 29 dhe 31 mars, prodhuesit e drithërave po përgatisin protesta kundër importeve dumping.