Me një video të shkurtër në Facebook, lideri i partisë së gjashtë më të fuqishme në parlamentin e ri, shoumeni Sllavi Trifonov, falënderoi zgjedhësit që votuan për “Ka nje popull të tillë” /ITN/.

• Me mbi 99.58% të protokolleve zgjedhore të përpunuara, koalicioni "GERB-SDS" është forca e parë politike

“Do të keni përfaqësues në Parlamentin e 49-të që do të bëjnë kontrollin, sepse ata brenda parlamentit duhet të kontrollohen nga ju”, tha ai, duke theksuar se besnikëria dhe besimi janë parësore. Trifonov ishte në krye të dy listave - në Bllagoevgrad dhe Stara Zagora, por nga fjalët e tij nuk u bë e qartë nëse do të hiqte dorë edhe këtë herë nga posti i deputetit. Kësaj pyetjeje nënkryetari i partisë, Toshko Jordanov, iu përgjigj se kjo do të bëhet e qartë kur të vijë koha.