Në një ceremoni të shkurtër, koalicioni “Po e vazhdojmë ndryshimin - Bullgaria Demokratike" (PP-DB) i ktheu presidentit Rumen Radev mandatin e dytë të përfunduar për formimin e qeverisë. Në dorëzim, kandidati për kryeministër Nikollaj Denkov tha se pret që presidenti të nxjerrë një dekret për votimin e qeverisë në parlament dhe më pas të ketë një transferim të qetë të pushtetit, sipas Kushtetutës. “Mendoj se ne të gjithë duhet ta qetësojmë situatën në mënyrë që njerëzit të dinë se kabineti, parlamenti dhe institucioni presidencial po punojnë së bashku”, tha Denkov.
“Bullgaria ka nevojë për institucione dhe politikanë që vërtet udhëhiqen nga populli bullgar, të cilët punojnë për sigurinë, drejtësinë dhe kundër korrupsionit, siç e presin të gjithë qytetarët e nderuar bullgarë”, u përgjigj presidenti. Radev premtoi se do ta nxjerrë dekretin sa më shpejt dhe u bëri thirrje deputetëve që të votojnë sipas ndërgjegjes së tyre pa marrë parasysh urdhrat e partive.
“Një buxhet normal duhet të hartohet në një kohë më të shkurtër të mundshme, pa këtë deficit absurd”, tha Denkov para gazetarëve në hyrjen e presidencës.
Kryetari i parlamentit Rosen Zheljazkov tha se është gati të thërras një seancë të jashtëzakonshme më 6 qershor për të votuar qeverinë nëse dekreti do të botohet të hënën, më 5 qershor.
Vallë, a është qeveria në detyrë në të vërtetë një qeveri teknike? Kjo është pyetja që bullgarët ia bëjnë vetes pasi Dimitër Gllavçev, i propozuar për ushtrues detyre kryeministër, prezantoi përbërjen personale të kabinetit, në të cilin ka një..
Mundësitë për përmirësimin e marrëdhënieve bilaterale mes Bullgarisë dhe Kosovës ishin në fokus të takimit të kryeministrave të Bullgarisë dhe Kosovës, Dimitër Gllavçev dhe Albin Kurti. Bashkëbiseduesit shprehën kënaqësinë për marrëdhëniet aktive..
Kryeministri në detyrë Dimitër Gllavçev i propozoi presidentit Rumen Radev ndryshim të përbërjes së kabinetit zyrtar, njoftoi shërbimi qeveritar i shtypit. Pas bisedimeve me kryeministrin në detyrë dhe propozimeve prej tij në bazë të Nenit 99..