Shoqata e Gjyqtarëve në Bullgari i bëri thirrje Plenumit të Këshillit të Lartë Gjyqësor të emërojë një Prokuror të ri të Përgjithshëm në detyrë. Shoqata e Gjyqtarëve e përkufizoi vendimin e Kolegjiumit Prokurorial për zgjedhjen e Borisllav Sarafovit si ushtrues të detyrës së "Prokurorit të Përgjithshëm" si "një vendim tjetër të turpshëm, që dëmton rëndë autoritetin e gjyqësorit". Gjyqtarët kujtojnë se në fillim të skandalit në krye të Prokurorisë ata kërkuan dorëheqjen e ish-Prokurorit të Përgjithshëm Ivan Geshev dhe zëvendësit të tij Sarafov si pjesëmarrësit kryesorë në mekanizmat dhe rastet e ndikimit të padrejtë ndaj përfaqësuesve të lartë të gjyqësorit, përfshirë vetë anëtarët e Këshillit të Lartë Gjyqësor.

Pozicioni kërkon zgjedhjen e një Prokurori të ri të Përgjithshëm me kompetencë dhe integritet të dëshmuar profesional, i cili është jashtë rrethit të zëvendësve të Ivan Geshev, pas diskutimit publik dhe paraqitjes së arsyeve të qarta. Gjyqtarët gjithashtu bëjnë thirrje që anëtarët e Këshillit të Lartë Gjyqësor të japin dorëheqjen pas zgjedhjes së ushtruesit të detyrës së Prokurorit të Përgjithshëm.

• Shefi i hetimit do të kryejë detyrën e Prokurorit të Përgjithshëm