Qeveria e re e rregullt po punon për stabilitet politik në Bullgari, i cili do të sigurojë kushte të mira për investime dhe do të rrisë standardin e jetesës së qytetarëve. Kështu deklaroi kryeministri Akademik Nikollaj Denkov në takimet me ambasadorët e vendeve të BE-së dhe të SHBA-së. Mungesa e stabilitetit gjatë dy viteve të fundit është një pengesë e madhe për një aktivitet më të madh si për bizneset evropiane ashtu edhe ato amerikane, u bë e qartë nga bisedimet. Së bashku me ministren e jashtme Maria Gabriel, Kryeministri prezantoi prioritetet e qeverisë dhe programin e saj legjislativ. Temat kryesore të politikës së jashtme për Bullgarinë janë hyrja në Shengen dhe në Eurozonë, theksuan Denkov dhe Gabriel. Bullgaria do të shtojë përpjekjet për të përmbushur kriteret e SHBA-së për heqjen e vizave dhe Kryeministri do të monitorojë personalisht procesin. Me ambasadorin Kenneth Merten u bisedua edhe për bashkëpunimin në fushën e sigurisë dhe energjisë bërthamore. Për të aktivizuar kontaktet dypalëshe të biznesit, SHBA do të dërgojë të paktën dy atashe të rinj tregtarë, tha Merten.