Ish-Prokurori i Përgjithshëm Ivan Geshev njoftoi se po krijon lëvizjen "Drejtësia për Bullgarinë". "Vendimet për fatin e Bullgarisë diktohen nga interesat e huaja korporative. Askush nuk mendon për Bullgarinë dhe popullin. Partia në pushtet është fajtore për kolapsin moral dhe ekonomik në vend... Ata rikthyen vitet e bandave kriminale dhe rritjen e tmerrshme të krimit në familje”, ka njoftuar Geshev në Facebook. Sipas tij, synimi i lëvizjes do të jetë një gjyqësor i pavarur, i mbrojtur nga cenimet politike kriminale dhe motoja e tij do të jetë “Zoti, Atdheu, Familja”.

Geshev është Prokurori i parë i Përgjithshëm që u lirua para afatit dhe shkasi për këtë ishte shprehja e tij “plehra politike” drejtuar deputetëve, kujton bTV. Qëndrimi i tij në këtë post u shoqërua me protesta të shumta qytetare ku kërkohej dorëheqja e tij për shkak të problemeve në sistemin e drejtësisë.

• Do të apelojnë në Gjykatën e Lartë zgjedhjen e ushtruesit të detyrës së prokurorit të përgjithshëm

• Ivan Geshev nuk është më Prokuror i Përgjithshëm, pritet zgjedhje e zëvendësit të tij dhe debat për një Prokuror të ri të Përgjithshëm

• Stuhia në krye të prokurorisë është një sinjal i krizës në menaxhimin e shtetit