Në skenën verore të kinemasë “Cabana”, në hapësirën e parkut të Pallatit Kombëtar të Kulturës, ekspozita “Sofja e egër – zogj” drejton vështrimin drejt botës së shpendëve. Zogjtë dhe diversiteti i tyre janë treguesit më të rëndësishëm dhe elokuent të cilësisë së jetës në një qytet të caktuar, theksojnë organizatorët nga “Perspektiva kulturore”. Ekspozita është eventi i fundit në programin e festivalit veror “Culturama 2023” dhe mund të shikohet nga data 18 korrik deri më 15 gusht. Është një vazhdim i një teme të paraqitur për herë të parë nga Muzeu Historik Rajonal në Sofje në vitin 2020, kur një ekip fotografësh dhe artistësh prezantojnë kafshë të njohura dhe që shihem shumë rrallë. Mesazhi i "Sofia e egër - zogj" u drejtohet banorëve të qytetit të madh, të cilët në përpjekjet e tyre për të fisnikëruar hapësirat e gjelbra shkatërrojnë habitatet e specieve të egra. “Shtysa që na nxiti të shfaqim këtë ekspozitë, në të cilën të vendosim tema të rëndësishme shoqërore dhe ide të hapave të vegjël drejt ndryshimit në ballafaqim me imazhet e këtyre krijesave të jashtëzakonshme, është tema e ngrohjes globale të shkaktuar nga emetimet e dëmshme, që kërcënojnë të ardhmen e të gjitha qenieve të gjalla në planetin tonë”, theksojnë organizatorët.
Kjo është ekspozita e tretë nga edicioni i sivjetshëm i festivalit, pas asaj të titulluar "Zogjtë - Parajsë në tokë" dhe "Nostalgji për Parajsën".
Përpilues: Darina Grigorova
Përgatiti në shqip: Kostandina Bello
Foto: Culturama 2023
Filmi "Triumfi" i tandemit regjisorial Petër Vëllçanov dhe Kristina Grozeva fitoi çmimin e madh për film artistik në Festivalin e 42-të të Kinemasë Bullgare "Trëndafilin e Artë" në Varna. Filmi mori edhe çmimin për skenarin e shkruar nga dy..
Prof. i Asociuar Marco Scarpa hulumton trashëgiminë e Krilit dhe Metodit dhe rolin e qendrave sllavo-jugore ku janë shkruar librat në të kaluarën (të ashtuquajturat skriptoriume) dhe të letrarëve që kanë punuar në to për lulëzimin e kulturës së..
Modë që nuk vishet, por të frymëzon. Fustane të bukura, por jo prej dantelle apo mëndafshi, por prej metali. Skulpturat e krijuesit Zivko Sedlarski janë në pronësi të muzeve, galerive dhe koleksioneve private në 3 kontinente, duke i dhënë atij..