Sipas planit REPowerEU të Komisionit Evropian për dekarbonizimin, Kompania Shtetërore “Bullgartransgaz” po fillon një studim tregu jodetyrues për të kërkuar kapacitetin e transferimit të hidrogjenit. Kompania informon të gjithë pjesëmarrësit aktualë dhe potencialë të tregut - prodhuesit, tregtarët dhe konsumatorët për mundësinë për të paraqitur parashikimet e tyre për kërkimin e kapacitetit të transferimit të hidrogjenit. Studimi do të lehtësojë planifikimin në kohë të infrastrukturës së nevojshme.

“Bullgartransgaz” planifikon të ndërtojë një infrastrukturë për transferimin e hidrogjenit të pastër dhe të përshtatë infrastrukturën ekzistuese të gazit për transferimin e përzierjeve të hidrogjen-gazit që përmbajnë deri në 10% hidrogjen.

Kompania është gjithashtu një pjesëmarrëse aktive në nismat “European Clean Hydrogen Alliance” dhe “European Hydrogen Backbone”.