Ministri i punëve të brendshme Kalin Stojanov zhvilloi një takim pune me homologun e tij austriak Gerhard Karner. Tema kryesore e bisedës së tyre ishte migrimi i paligjshëm dhe bashkëpunimi ndërmjet strukturave policore të Austrisë dhe Bullgarisë. Stojanov theksoi se falë riorganizimit të punës së Policisë Kufitare dhe bashkëpunimit të mirë me palën turke, numri i emigrantëve të paligjshëm të kapur në kufirin bullgaro-turk ka rënë mbi dy herë. “Ne morëm një vlerësim shumë të lartë për aktivitetet e Ministrisë së Punëve të Brendshme dhe në veçanti të Policisë Kufitare për rezultatet e arritura deri më tani. Po vazhdojmë të punojmë aktivisht për të ndryshuar qëndrimin e Austrisë në lidhje me anëtarësimin e Bullgarisë në Shengen”, komentoi pas takimit ministri Kalin Stojanov. Ai theksoi se arsyet për "JO"- në e deritanishme të Austrisë nuk qëndrojnë në aktivitetin e shërbimeve bullgare, por në funksionimin e dobët të zonës aktuale Shengen.