“Frika e tund DPS-në. E kam fjalën për aparatin”. Këtë e komentoi për BNR, Korman Ismaillov, ish-kryetar i organizatës rinore të Lëvizjes për të Drejta dhe Liri. Sipas tij, partia, e cila doli e dyta në zgjedhjet parlamentare të qershorit, nuk qeveriset më si më parë - nga një lider fasadë, pas të cilit po shikon kryetari i nderit Ahmed Dogan. “Për momentin kontrolli është tek Deljan Peevski (bashkëkryetar i partisë që nga shkurti i këtij viti). Ai arriti të kontrollojë organet drejtuese të partisë – vendosi njerëzit e tij në Byronë Qendrore Operative. Ai ka shumë përvojë në marrjen e bizneseve dhe kompanive. Ahmed Dogan e humbi situatën”, tha Ismaillov. Sipas tij, Peevski di të përdorë informacionin, të prodhojë dhe të menaxhojë varësitë. "DPS është një mjet - para i Doganit, tani Peevski po e merr atë", shtoi ai.

"Fillimi i ri për DPS-në është fakt. Ata që nuk e kuptojnë mbeten në të kaluarën", tha Peevski këto ditë në takimin e punës me kryetarët e komunave nga DPS, cituar nga qendra për shtyp e partisë. Peevski është ndër të sanksionuarit sipas ligjit Magnitsky për korrupsion.