“Bërë për mua” është kënga e tretë prej autore e këngëtares së re dhe të talentuar Elia Todorova, të cilën ajo vetë e cilëson si më dinamike në repertorin e saj. Dy projektet e suksesshme - "Re" dhe "Mjedra" - i sollën asaj popullaritet si solo këngëtare dhe një sërë paraqitjesh në klube dhe skena të festivaleve xhaz dhe pop. Fillimisht Elia Todorova ishte pjesë e grupit të njohur të vajzave “4 Magic”.
Së fundmi, Elia Todorova tregoi talentin e saj në rolin kryesor të muzikalit "Burlesque", rol ky i cili në origjinal rikrijohet nga Christina Aguilera.
“Ishte një nder i jashtëzakonshëm për mua të isha pjesë e një muzikali të organizuar nga Akademia Kombëtare e Muzikës “Prof. Panço Vladigerov”, studente e së cilës isha dhe ku u diplomova - thotë Elia. ‒ "Burlesque" vihet për herë të parë në Bullgari, me këngë të përkthyera enkas në bullgarisht dhe të realizuara me një orkestër. Nga fillimi i vitit e deri më 1 qershor kur ishte premiera, ne bënim prova çdo ditë dhe rezultati ishte vërtet fantastik, duke pasur parasysh reagimin e publikut dhe komentet në rrjetet sociale.”
Me ardhjen e verës, këngëtarja u dhuroi fansave të saj këngën e re - "Bërë për mua", dhe videon në të cilën u përfshin edhe muzikantët nga grupi i saj - Nikollaj Kostadinov, Kristian Zhelev dhe Zheko Zhekov. “Ata marrin rolin e marinarëve të tunduar nga një nimfë deti”, shpjegon Elia, e cila shndërrohet në nimfë në videon e këngës “Bërë për mua”.
Redaktore: Elena Karkallanova
Përgatiti në shqip dhe publikoi: Svetllana Dimitrova
Fotot: Arkivi personal i Elia Todorovës
Autor i muzikës, tekstit dhe aranzhimit është Dimitër Bodurov, një burrë nga një vendbanim i vogël që u vendos për të jetuar në qytetin Stara Zagora disa kohë më parë. Si një dashamirës i muzikës që në fëmijëri, ai regjistroi të gjitha këngët e tij..
Miqtë dhe adhuruesit do të nderojnë kujtimin e këngëtarit dhe kompozitor të njohur të pop-rokut Georgi Minçev , i cili u largua nga bota jonë 23 vjet më parë. Festivali i muzikës rok dhe blues "Lule për Gosho" zhvillohet më 7 dhe 8 shtator në..
“Mbrëmjet ballkanike” është një nismë që mbahet nga 5 deri më 8 shtator në Pitsbërg të Pensilvanisë, SHBA. Veprimtaria fillon sonte me punëtorinë muzikore "Vallet ballkanike" me udhëheqës Dimitër Hristov. Ditët në vijim - 6 dhe 7 shtator - do të..
Kori i Fëmijëve i Radios Komb;tare Bullgare (BNR) është ndër finalistët e konkursit prestigjioz ndërkombëtar për koret joprofesionale “ Le të këndojnë..
Më 5 tetor, në sallën e dhomës "Bullgaria" në Sofje, Sllavin Peev do të festojë dy dekada në skenë me arie të njohura nga klasikët e operës. Së..