Zjarri, i cili të mërkurën shkaktoi katastrofë në komunat Harmanli dhe Topollovgrad, është vënë nën kontroll, njoftoi drejtori i zjarrfikësve të Haskovos, Mitko Çakallov. Flakët kanë mbuluar 12 000 dynymë pyje, barëra të thata dhe shkurre. Në terren mbeten 15 ekipe, të cilat do të shuajnë zonën përreth fshatit Çerepovo. Çakallov supozoi se përdorimi i një helikopteri nuk do të ishte i nevojshëm sot.

Vazhdon shuarja ajrore dhe tokësore e zjarrit të madh në malin Sllavjanka në kufi me Greqinë. Të përfshirë janë edhe dy avionë spanjollë. Mbi 160 zjarrfikës, pylltarë, ushtarakë dhe vullnetarë sulmojnë frontin lindor. Gjatë natës së kaluar nuk ka pasur rritje të zjarrit.

Gjithsej 214 zjarre janë shuar në vend gjatë 24 orëve të fundit, dy persona kanë mbetur të plagosur, njoftoi Drejtoria e Përgjithshme “Siguria nga Zjarri dhe Mbrojtja e Popullsisë”.