Panorama sportive

botuar më 09-11-02 11.18.PD

Dimitër Berbatov shënoi golin fitimtar për skuadrën e tij “Manchester United”

Foto: BGNES

Pas raundit të 11 të Kampionatit bullgar të futbollit situata në krye të tabelës u bë akoma më e komplikuar. Skuadra “Minator” i Pernikut, e cila përpara ca kohe konsiderohej me mundësi mesatare mundi liderin e dytë të radhës “Çernomorec” të Burgasit, kësaj here në terren të vet me rezultat 2 me 0, kurse CSKA pësoi një humbje të dytë të radhës nga “Liteks” i Loveçit. Kështu skuadra “Çernomorec” mbeti në krye të tabelës vetëm me një pikë përparësi, por në vendin e dytë me 25 pikë doli “Liteks” i Loveçit. Po aq pikë ka dhe CSKA, por “Liteksi” është luajtur një ndeshje më pak. “Lokomotivë” e Sofjes që zinte vendin e tretë, pas ndeshjes me rezultat 0 me 0 me skuadrën tjetër të Sofjes “Sllavia” mbeti në vendin e katërt. Në vendin e pestë tashmë është kampionia e vendit “Levski”, pas si fitoi ndeshjen me skuadrën “Lokomotivë” të qytetit Mezdra me rezultat 3 me 1.
*
Dimitër Berbatov u shpall lojtar i ndeshjes së skuadrës së tij “Manchester United” në ndeshjen me skuadrën tjetër angleze “Blackburn” pas si shënoi golin fitimtar për skuadrën e tij. Në të njëjtën kohë më 2 nëntor startoi edicioni i dytë i projektit të Fondacionit “Dimitër Berbatov” – Çmime për fëmijët e suksesshëm të Bullgarisë” –2009. Për këto çmime nominohen fëmijë në moshë shkollore që kanë arritur suksese në vitin 2009 në sferën e arteve, shkencës ose sportit.
*
Pas hapave të kushëririt të tij më të madh, edhe pse në dërrasën e shahut, ecën dhe 13 vjeçari Kiprian Berbatov. Ai u bë nënkampion i Turneut të fortë të shahut për meshkuj në qytetin francez Sotron. Supertalenti bullgar dhe akoma katër shahistë të tjerë u klasifikuan në finalen me nga 7 pikë, por me tregues më të mirë suplementarë ishte gjermani Mihael Haub dhe ai u bë fitues, kurse Kiprian Berbatrov mbeti në vendin e dytë. Për paraqitjen e shkëlqyeshme të Kiprianit flet dhe fakti, se ai la pas vetes 10 gross-mjeshtër.
*
Në Kampionatin botëror të volejbollit për meshkuj vitin e ardhshëm në Itali, Bullgaria do të luajë në një grup bashkë me skuadrat e Brazilit, Holandës dhe Kores Veriore. Gjatë javës ishte hedhur shorti i Ligës botërore në vitin 2010. Ndeshjet e grupit tonë do të luhen në Torino duke filluar më 4 qershor dhe duke mbaruar më 7 korrik. Turneu final do të zhvillohet në Argjentinë.

Përgatiti në shqip: Gjullka Ilieva

По публикацията работи: Vilhelm Baltaxhian

Последвайте ни и в Google News Showcase, за да научите най-важното от деня!

Ndaje

Panorama sportive

Më shumë nga rubrika

Nurgyul Salimova përfaqëson Bullgarinë në Turneun e Pretenduesve

Dimitrov humbi finalen në Miami, por u ngjit në vendin e 9-të në tenisin botëror

Kubrat Pulev fitoi rripin e kampionatit pas fitores në Sofje

Vozitësi ynë Kristian Vasilev shkon në gjysmëfinale në Szeged