A janë të parrezikshme orenditë tona shtëpiake?

botuar më 09-11-26 12.44.MD

Direktivat evropiane për orenditë shtëpiake janë aplikuar në legjislacionin bullgar nëpërmjet Ligjit për kërkesat teknike për produktet.

Foto: arkiv

A është i mbrojtur konsumatori bullgar nga kjo që të blejë mallra dhe orendi me prejardhje dhe cilësi të dyshimta, të cilat madje mund t’ia kërcënojnë jetën? Në fakt jo. Megjithë kontrollin serioz të tregut bullgar, në të ende depërtojnë mallra të tilla – edhe bullgare, edhe të huaja. Veçanërisht para festave, kur njerëzit blejnë dhurata për Krishtlindjet, shumë tregtarë përpiqen të fitojnë me mallra të lira, por me pamje atraktive, të cilat imitojnë marka të njohura. Dhe në kohën e krizës, kur harxhimet planifikohen mirë, njeriu mund të blejnë diçka të tillë.

Në çdo shtëpi bullgare tashmë ka orendi shtëpiake nga firmat e njohura. Me to rrallë ka probleme. Prodhuesi është i njohur, dihet dhe kush është tregtari. Problemet vijnë me orenditë që i kemi blerë shpejt, duke kaluar nga ndonjë dyqan i vogël. Në to nuk është shënuar prodhuesi, as ka instruksione për përdorim të parrezikshëm. Prandaj për blerësin ka një risk të madh. Në Agjencinë shtetërore të metrologjisë dhe kontrollit teknik ka një departament që quhet “Kontrollimi i tregut”. Ky departament periodikisht bën kontrollime në dyqanet e vogla dhe vargjet e mëdha të dyqaneve për mallra joushqimore. Ekspertët reagojnë dhe me sinjal të qytetarëve. Tregojnë për shumë raste, kur kanë gjetur mallra me prejardhje dhe cilësi të dyshimta. A e dini për shembull se kanat për ngrohje të shpejtë të ujit duhet të kenë kabllo deri në 70 cm që të mos kalojë nën kanë dhe kjo garanton parrezikshmërinë? Por në treg mund të blihen kana më të lira, të importuara nga Turqia ose nga Kina, të cilat nuk i përgjigjen kësaj kërkese.

Angel Velev, ekspert nga Agjencia jep shembuj të tjerë: “Një problem tjetër me këto kana është se sistemi i tyre elektrik nuk është mjaft i mirë dhe ato dëmtohen shumë shpejt. Dhe pasi fuqitë janë të mëdha, ka rrezik të shkaktojnë zjarr. Llambat gjithashtu krijojnë probleme të ngjashme.”

Direktivat evropiane për orenditë shtëpiake janë aplikuar në legjislacionin bullgar nëpërmjet Ligjit për kërkesat teknike për produktet. Angel Velev saktëson se më 1 janar të vitit 2010 hyn në fuqi rregulla 765 e BE-së, me të cilën do të sinkronizohen parimet dhe mbledhja e informacionit për mbikëqyrjen e tregut. Tek ne mallrat e rrezikshme tërhiqen nga tregu, disa prej tyre asgjësohen. Në Ligjin për kërkesat teknike parashikohen dhe sanksione për tregtarët që i përhapin. Angel Velev thotë se shumë mallra pa dokumente për prejardhjen e tyre janë gjetur në tregun e madh “Ilijanci”.

“Këtu ligji na kufizon, sepse nuk kemi autorizimet e nevojshme që të gjejmë informatë se si mallrat kanë kaluar nëpër kufi. Sepse është shumë e rëndësishme që të kapen qysh atje. Po të hyjnë në vend dhe fillojnë të përhapen, është vështirë t’i gjejmë.”

Pra, që të punojnë ekspertët është shumë i rëndësishëm bashkëpunimi me doganat që të kapen me kohë këto mallra. Në BE ekziston një sistem informativ RAPEX për shkëmbim të shpejtë të informacionit për mallra në treg që kërcënojnë shëndetin e konsumatorëve. Ai përfshin të gjitha mallrat pa ushqimet, mallrat farmaceutike dhe mjekësore. RAPEX garanton se informacioni për produkte që janë identifikuar si të rrezikshme nga autoritetet kombëtare të ndonjë shteti, do të përhapet shpejt dhe në shtetet e tjera anëtare që të mbrohen shëndeti dhe siguria e konsumatorëve.

Përgatiti në shqip: Ekaterina Tarpomanova

По публикацията работи: Milka Dimitrova

Последвайте ни и в Google News Showcase, за да научите най-важното от деня!

Ndaje

A janë të parrezikshme orenditë tona shtëpiake?

Më shumë nga rubrika

Krerët e shteteve nga Evropa nderuan 70 vjet nga themelimi i CERN-it

Thatësira dhe humbjet e fermerëve: KE hapi rezervën bujqësore të krizës

Holanda mbetet vendi më tërheqës për studentët bullgarë

KNSB: Taksat e ulëta nuk i zgjidhin problemet buxhetore të shtetit

Nxënësit bullgarë fituan 5 medalje në Olimpiadën Ndërkombëtare të Astrofizikës

Një bullgar fitoi titullin "Sandviçi më i mirë" nga European Street Food Awards në Gjermani