Hitet e vitit 2009

botuar më 09-12-29 3.08.MD

Këngëtari Vladimir Ampov-Grafa (djathtas) bashkë me muzikantët e grupit “Akaga”

Foto: "Monte music"

Hitet e vitit 2009

Update Required To play the media you will need to either update your browser to a recent version or update your Flash plugin.

Kënga e parë salsa në bullgarisht u bë një hit i madh në klasifikimet muzikore. Ajo titullohet “Një vajzë me flokë të zinj” dhe është e formacionit “Tumbaito” dhe e muzikantit bullgar Kalin Veljov. Në interpretimin e këngës merr pjesë dhe këngëtarja ekzotike e Kubës Dolores, e cila është pjesëtarja më e re e formacionit “Tumbaito”. Për gëzim të adhuruesve të muzikës latine prej dy vjetësh formacioni paraqet para publikut bullgar këngët më të njohura salsa gjatë viteve të fundit. Gjatë vitit 2009 muzikantët morën dy prej çmimeve vjetore për muzikën salsa në Bullgari.

Formacioni “Tumbaito” me këngëtaren Dolores

Ndër hitet e vitit është “Disko parti” – kënga e parë e përbashkët e këngëtarit Vladimir Ampov-Grafa dhe e muzikantëve të grupit “Akaga”. Për herë të parë kënga u paraqit në koncertin “9 maji – Dita e Evropës”, që u zhvillua në Sofje. Kënga është përfshirë në albumet e reja të Vladimir Ampovit dhe “Akagës”. Ajo tingëlloi në një variant të ri gjatë turneut të tyre të parë kombëtar, i cili u zhvillua në fund të vitit 2009.

Kënga “Fluturoj” në interpretimin e këngëtarëve Vasill Najdenov e Sillvia Kacarova dhe të grupit “Bon-Bon” fitoi konkursin për këngën bullgare pop “Burgas dhe deti 2009”. Muzika është e Tedi Kacarovës. Ajo na tregoi për dëshirën e saj të shkruajë një këngë, e cila të prekë shpirtrat e njerëzve dhe të bëhet një lidhje midis brezave. Më këngën “Fluturoj” ëndrra e saj u bë realitet. Juria ia dha këngës çmimin e parë, ndërsa publiku – vendin e dytë. Suksesi i saj detyrohet dhe interpretimit të duetit Sillvia Kacarova – Vasill Najdenov. Prej shumë kohe dy këngëtarët nuk kishin incizuar këngë dueti bashkë. Edhe jo në vend të fundit zërat e ëmbël të fëmijëve nga grupi “Bon-Bon” arritën të pushtojnë zemrat e dëgjuesve.

Këngëtari Miro

Për këngëtarin bullgar Miroslav Kostadinov-Miro viti 2009 ishte plot me suksese. Ai ishte nominuar në katër kategori për çmimet e BG Radios. Këngëtari mori çmimin për këngëtar bullgar të vitit. Kënga e tij “Humb kontroll” ishte dalluar në kategorinë “Kënga bullgare e vitit”, kurse albumi i vitit 2009 u bë disku i tij debut “Omirotvoren” (I qetësuar). Kënga, e cila tingëllonte pa ndërprerje në eterin bullgar gjatë këtij viti ishte “Humb kontroll”. Në saj të këngës këngëtari Miro mori çmimin në kategorinë “Klipi më i mirë bullgar” në konkursin vjetor të çmimeve për muzikë dhe klipe muzikore MAD Video Music Awards 2009, që u zhvillua në Athinë, Greqi gjatë muajit qershor.

Përgatiti në shqip: Anna Kapitanova

По публикацията работи: Elena Cvetrova

Последвайте ни и в Google News Showcase, за да научите най-важното от деня!

Ndaje

Hitet e vitit 2009

Më shumë nga rubrika

"Përpara" - rikthimi rok i muzikantit Toma Zdravkov

Në Paris u prezantua muzikë popullore dhe muzikë kishtare-sllave bullgare

"Gjithçka ishte për të mirë"

Grupi MOLEC dhe "Nuk ka rëndësi"

Kori "Vanja Moneva" feston 30 vjetorin e krijimit