Programi i ditës

Radioja Kombëtare Bullgare © 2022 Të gjitha të drejtat janë të rezervuara

Skuadra kombëtare bullgare e volejbollit për meshkuj – No 1 në Bullgari

Foto: BGNES

Sivjet për herë të parë në anketën tradicionale ndaj gazetarëve bullgarë për zgjedhjen e sportistit të vitit u përfshi kategoria “skuadër e vitit”. Fitues në këtë kategori u bë skuadra kombëtare bullgare e volejbollit për meshkuj. Më 21 dhjetor në një ceremoni në Teatrin Popullor “Ivan Vazov” çmimin e morën kombëtarët Georgi Bratoev, Teodor Todorov dhe Vlladisllav Ivanov, bashkë me presidentin e Federatës Bullgare të Volejbollit Danço Llazarov.

“Luanët” ishin padyshim skuadra më e mirë bullgare në sportet kolektive. Gjatë vitit 2009 ata fituan medalje të bronzta në Kampionatin Evropian dhe arritën të klasifikohen për Kampionatin Botëror në vitin 2010, duke fituar në mënyrë bindëse turneun e kualifikimeve në qytetin e Varnës.

Në klasifikimin individual për sportist të vitit, të fituar nga kampioni botëror i boksit Detelin Dallakliev, në vend të pestë ishte shënuar një prej liderëve të skuadrës kombëtare bullgare të volejbollit për meshkuj Matej Kazijski, i cili është shpallur një prej volejbollistëve më të mirë në botë.

Përveç sukseseve me kombëtarët Kazijski arriti të fitojë këtë vit dy çmime shumë të vlershme me skuadrën e tij të klubit. Skuadra kombëtare e volejbollit e Italisë, në të cilën përveç Kazijskit luan dhe një kombëtar tjetër bullgar Cvetan Sokollov, dhe e cila udhëhiqet nga trajneri bullgar Radostin Stojçev fitoi kupën evropiane dhe botërore të klubit.

Nuk është e rastit se Stojçevi u bë i tretë, kurse trajneri italian i bullgarëve Silvano Prandi – i dytë në anketën për trajner të vitit, fitues i së cilës u bë trajneri i skuadrës kombëtare të boksit Petër Lesov.

Çmimi, i fituar nga volejbollistët bullgarë, është një njohje e merituar për punën e tyre shumëvjeçare. Shumë vite me radhë ata vazhdojnë të jenë skuadra e vetme kombëtare me vend të rezervuar në elitën botërore. Akoma më i gëzueshëm është fakti se për herë të radhës ndërrimi i brezave bëhet pa asnjë tronditje.

Në vendin e Pllamen Konstantinovit dhe të Evgeni Ivanovit, të cilët tashmë përfunduan pjesëmarrjen e tyre në skuadër, dhe duke zëvendësuar volejbollistët tanë me përvojë Vlladimir Nikollov, Hristo Cvetanov dhe Andrej Zhekov, në skuadrën tonë kombëtare gjithnjë e më shumë imponohen lojtarët e rinj Georgi dhe Vladimir Bratoevi, Viktor Josifov, Teodor Bogdanov dhe Cvetan Sokollov. Gërshetimi i përvojës dhe rinisë, bashkë me volejbollistët tanë tashmë të njohur Todor Aleksiev, Danaill Millushev, Krasimir Gajdarski dhe Teodor Sallparov – një prej më të mirëve në botë në postin libero, jep shpresë se adhuruesit e sportit bullgar do të mund të gëzojnë sukseset e kombëtarëve bullgarë të volejbollit edhe në të ardhmen.

Përgatiti në shqip: Vesella Mançeva

Më shumë nga rubrika

Grigor Dimitrov

Dimitrov vazhdon dhe Tomova largohet nga Australian Open

Grigor Dimitrov arriti për herë të 11-të në karrierën e tij të kalojë raundin e parë të Australian Open me fitoren ndaj kualifikuesit çek Jiri Lehečka me 3 në 1 sete - 6:4, 4:6, 6:3, 7:5. Raketa e parë bullgare hasi një rezistencë serioze nga..

botuar më 22-01-18 9.32.PD
Ljubomir Kallçev dhe Evgenija Radanova

Shpresa e re e patinazhit me shpejtësi lavdëron Bullgarinë në një sërë kampionatesh

Ljubomir Kallçev fitoi medaljen e argjendtë dhe atë të bronztë në Kampionatin Evropian të Patinazhit me Shpejtësi në Hungari. Trajner i tij është nënkampionia e dyfishtë olimpike Evgenija Radanova. I riu e zbuloi këtë sport olimpik rastësisht kur..

botuar më 22-01-16 11.15.PD
Viktoria Tomova

Viktoria Tomova kaloi kualifikimet për pjesëmarrje në Australian Open

Viktoria Tomova u kualifikua për skemën kryesor të Australian Open. Në Melburn, në raundin e tretë final të kualifikimeve, Tomova mundi 6-2, 6-1, Irina Maria Bara të Rumanisë e cila është numër136 në ranglistën botërore. Takimi zgjati 78..

botuar më 22-01-14 9.26.PD
Подкасти от БНР