Filloi pagimi i tatimeve

botuar më 10-01-06 1.26.MD

Tatimet – qoftë të larta, qoftë të ulëta – paguhen çdo vit. Ndryshe nga shtetet e tjera evropiane, Bullgaria arriti të mbrojë të pandryshuar nivelin e tatimeve si për biznesin, ashtu edhe për popullsinë. Në kushtet e krizës globale financiare-ekonomike ky është një lloji përkrahjeje. Afati i shlyerjes së tatimeve ndaj shtetit filloi më 1 janar.

Në kohën e krizës nuk është mirë të shtohen tatimet, sepse kjo provokon tension në rrethet biznes. Ky është qëndrimi i ministrit të financave Simeon Djankov. Kryesorja, sipas tij, në periudhën e turbulenteve globale financiare është të ruhen vendet e punës. Gjatë vitit 2010 në Bullgari tatimi mbi fitimin në përmasë 10 për qind mbetet më i ulëti në mbarë Evropën. Në këtë sfond tatimi i vlerës së shtuar mbetet 20 për qind. Qeveria është me shpresë, se brenda tri viteve të ardhshme ky tatim do të ulet deri në 17 për qind. Të ardhurat e popullsisë gjithashtu tatohen me tatimin e sheshtë nga 10 për qind, gjithashtu më i ulëti në gjithë BE-në. Parashikohen masa për lehtësimin administrativ të biznesit. Në këtë sfond biznesi i lojërave të fatit do të paguajë më shumë, se sa vitin e mëparshëm. Tatimi i lojërave të fatit nga 10 për qind bëhet 15 për qind. Nga kjo rritje në buxhet do të hyjnë 150 milion leva (75 milion euro). Që nga fillimi i vitit u rrit edhe akciza mbi cigaret. Megjithatë cigaret me banderola të vjetra do të shiten deri në fund të muajit mars. Që nga data 1 prill i këtij viti bullgarët do të blejnë të gjitha llojet cigare me çmime më të larta. Sipas ministrit financiar, shtrenjtimi i cigareve do të bëhet shkak, që shumë njerëz të heqin dorë nga pirja e duhanit, gjë që do të ulë shpenzimet për mjekimin e sëmundjeve të shkaktuara nga cigaret. Nga viti 2010 është i detyrueshëm regjistrimi i firmave shitëse të produkteve prej duhani, me qëllim pagimin e tatimit të vlerës së shtuar. Parlamenti vendosi, që nga viti 2010 shërbimet e avokatit, të noterit dhe të përmbaruesit gjithashtu të tatohen me tatimin e vlerës së shtuar, gjë që do të rritë çmimin e shërbimeve të tyre.

Çdo bullgar paguan tatim të sheshtë nga 10 për qind mbi të ardhurat e vitit 2009. E reja është se vendosen lehtësime tatimore për familjet e reja deri në 35 vjet, në se kanë kredi hipotekimi gjatë vitit 2009. Një nga kushtet është, që banesa e hipotekuar të jetë e vetmja e familjes së re. Sipas ligjit deklarata vjetore tatimore paraqitet deri më 30 prill. Një novitet tjetër, është se në këtë deklaratë regjistrohen edhe huat në të holla nga persona fizike ose nga institucione jo bankare, në se ato tejkalojnë 10 mijë leva (5 mijë euro). Qëllimi është të ketë qartësi mbi të ardhurat, mbi të cilat deri tashti nuk paguheshin tatime. Një novitet tjetër janë ndryshimet në Ligjin e Buxhetit të Sigurimit Shtetëror Shoqëror. Sipas tyre pragu minimal i pagimit të sigurimeve me vete bëhet 420 leva (210 euro), në vend të shumës së deritanishme nga 260 leva (130 euro). Nga viti 2010 në se tre sigurime shëndetësore me radhë nuk janë të paguara, atëherë humben të drejtat e sigurimit shëndetësor.

Ndryshe nga vitet e mëparshme, tani bashkitë fitojnë më shumë autorizim të caktojë vet tatimet dhe taksat. Ato janë të detyruar të bëjnë këtë deri në fund të muajit janar. Për kryeqytetin taksa e tatimeve të godinave dhe të plehrave do të mbetet e pandryshuar në krahasim me vitin e kaluar. Edhe 7 bashki të tjera në mbarë vendin morën vendim të mos shtojnë tatimet dhe taksat vendëse. Tatimi i pronës së patundshme mund të paguhet në katër pjesa gjatë tërë vitit.

Përgatiti në shqip: Svetllana Dimitrova

По публикацията работи: Millka Dimitrova

Последвайте ни и в Google News Showcase, за да научите най-важното от деня!

Ndaje

Filloi pagimi i tatimeve

Më shumë nga rubrika

PBB-ja është rritur me 2.2% sipas bazës vjetore në tremujorin e tretë

Konfederata e Punës “PODKREPA” kritikoi ashpër projektin për ndryshime në Kodin e Punës

Biznesi është i shqetësuar se kriza politike po pengon zhvillimin e vendit

PBB-ja është rritur me 2.2% sipas bazës vjetore në tremujorin e tretë