Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Kandidatura e Rumjana Zhelevës për komisionare evropiane – një provë për Bullgarinë dhe për Parlamentin Evropian

Foto: BGNES
Në një letër të drejtuar kryeministrit Bojko Borisov, ministrja e jashtme bullgare dhe kandidate për eurokomisionare Rumjana Zheleva shkroi se po tërhiqet nga të gjitha postet që zë. Vendimi pritej, por vonoi, sepse ishte funksion i pozitës së Partisë Popullore Evropiane, e cila e mbështeste Zhelevën deri në momentin e fundit.

Pas kundërvënies së madhe të socialistëve, të gjelbërve, liberalëve dhe ultra të majtëve në Parlamentin Evropian, duke u tërhequr, ajo lehtësoi procesin e formimit të Komisionit të ri Evropian dhe nuk lejoi që Bullgaria të bëhet “molla e sherrit”. Udhëheqësi i KE-së Jose Barroso deklaroi se vlerëson zgjedhjen e bërë nga Zheleva, sepse kundërshtimet e vënë edhe atë në një pozitë të pafavorshme.

Disa rrethana rreth tërheqjes së Zhelevës çojnë në përfundimin se gjërat janë zhvilluar në mënyrë dramatike. Më parë një burim nga qendra e shtypit e qeverisë bëri të ditur se dorëheqja e Rumjana Zhelevës nga posti i ministres së jashtme qenka pranuar, por pastaj këtë informatë kryeministri Bojko Borisov e përgënjeshtroi kategorikisht. Me sa duket, ai nuk dëshironte që ndërrimi i kandidatit bullgar për eurokomisionar të shkaktojë dhe ndërrim në qeverinë bullgare. Por kjo dëshirë e kryeministrit doli të parealizueshme dhe vetëm disa orësh më pas grupi parlamentar i partisë në fuqi GERB mori vendim që të pranohet dorëheqja e Rumjana Zhelevës edhe si ministre e punëve të jashtme. Zëvendëskryeministri dhe ministër i brendshëm Cvetan Cvetanov shpjegoi se “qeveria sot nuk ka nevojë që ky skandal të zgjatet”.

Si kandidate e re e Bullgarisë për eurokomisionare u caktua Kristalina Georgieva, e cila është zëvendësguvernatore e Bankës Botërore. Po të marrim parasysh biografinë e saj, ajo është nga kuadrot e “artilerisë së rëndë”. Ajo filloi punë në Bankën Botërore në vitin 1993 si ekonomiste e mjedisit për Evropën dhe Azinë Qendrore, më vonë u bë drejtore e departamentit të mjedisit, mori dhe administrimin e zhvillimit ekologjik dhe social të Azisë Qendrore dhe rajonit të Oqeanit të Qetë, u bë udhëheqëse e Bankës Botërore për Rusinë, u ngrit në postin drejtore të strategjisë dhe veprimtarisë së rrjetit për zhvillim të qëndrueshëm të Bankës Botërore. Kristalina Georgieva është jo vetëm evropiani lindor që zë postin më të lartë në këtë institucion, por ka pozita serioze në vetë Bullgarinë, po të marrim parasysh faktin se pas zgjedhjeve parlamentare të fundit ajo përmendej si kryeministre, zëvendëskryeministre ose ministre të mundshme të ekonomisë. Të dhënat e saj biografike tregojnë një përputhje të madhe me resorin e caktuar për eurokomisionarin bullgar – bashkëpunim ndërkombëtar, ndihmë humanitare dhe reagim në kriza. U bë e qartë se dëgjimi i saj në PE do të mbahet më 3 shkurt.

Mund të thuhet se saga rreth kandidaturës bullgare për eurokomisionar përfundoi, por për një kohë të gjatë ajo do të shkaktojë reflektime për prezantimin e denjë të Bullgarisë në arenën ndërkombëtare, për ndarjen me stereotipat ballkanikë të jetës politike dhe për adaptimin me kërkesat e larta të BE-së.

Përgatiti në shqip: Ekaterina Tarpomanova
По публикацията работи: Stoimen Pavlov


Последвайте ни и в Google News Showcase, за да научите най-важното от деня!

Më shumë nga rubrika

Holanda mbetet vendi më tërheqës për studentët bullgarë

Interesi për të studiuar jashtë te të rinjtë bullgarë po rritet - me 30% më shumë krahasuar me një vit më parë, dhe numri i studentëve që largohen për vitin akademik 2024-2025 është rritur me rreth 11%. Kështu ka thënë për programin “Hristo Botev”..

botuar më 24-10-01 4.23.MD

Gratë bullgare jetojnë 7.4 vjet më shumë se burrat

Kujtimet e Bullgarisë në 100 vitet e fundit mund t'i tregojnë 300 gra dhe 96 burra. Në Sofje ka më shumë njëqindvjeçarë, sipas të dhënave të Institutit Kombëtar të Statistikave me rastin e 1 tetorit – Ditës Ndërkombëtare të të Moshuarve. 1 731 039..

botuar më 24-10-01 12.04.MD

"Toka e trëndafilave" - një film për shpresën se ne mund të jemi më të mirë dhe më të hapur ndaj njerëzve me aftësi të kufizuara

Të dhënat e censusit të popullsisë në vendin tonë, të kryer në vitin 2021, tregojnë se në vend jetojnë 654 547 persona, të cilët janë me paaftësi të përhershme pune ose aftësi të kufizuara . Prej tyre, 22 248 janë fëmijë, dhe 632 299 janë persona të..

botuar më 24-09-30 7.30.PD