Sipas klasifikimit të udhërrëfyesit “Lonely Planet”, që është manuali më i preferuar nga qindra udhëtues në botë, Bullgaria zë një prej dhjetë vendeve më të favorizuara në fushën e turizmit gjatë vitit 2010. Në manualin e njohur jo për herë të parë është bërë fjalë për vendin tonë. Në artikuj vihen në dukje kryesisht itineraret këmbësore në gjirin e natyrës bullgare, traditat tona dhe adresat për të rezervuar një vend pushimi në det ose në mal. Turistët parapëlqejnë të kalojnë pushimet në shtëpitë fshatare, të cilat janë përgatitur për këtë qëllim. Në krahasim me hotelet ato ofrojnë një atmosferë shtëpiake. Ndërkohë çmimet e pushimeve në këto shtëpi janë të arritshme për çdo njeri. Kështu gjithnjë e më tepër rritet kërkesa për shtëpitë për miq.
Një pjesë e madhe prej hoteleve të vogla familjare, të cilat janë shtruar edhe në vendet me të egra të Bullgarisë, kanë afro 2-3 dhoma. Gjatë dimrit ato mbeten bosh. Prandaj çdo mysafir aty pritet me padurim. Pronarët shpresojnë se ai do të mbetet i kënaqur nga mikpritja e tyre dhe do të provojë ardhjen e miqve të tjerë. Shumica prej turistëve të huaj dhe bullgarë preferojnë të pushojnë në hotelet familjare për arsye të mikpritjes së ngrohtë. Shtëpitë për mysafirë gjithnjë e më tepër ofrojnë dëfrime të ndryshme: shëtitje nëpër rrethinat, mbledhje e bimëve mjekësore, peshkim etj.
Çdo vit mbi 1000 shtëpi mikpritëse të tërë vendit vizitohen nga turistët, të cilët parapëlqejnë të kalojnë pushimet në ndonjë vend të qetë. Numri real i këtyre hoteleve të vogla familjare është më i madh, sepse disa prej pronarëve nuk regjistrohen sipas ligjit, për të mos paguar tatime. Në vend të parë mund të bëni rezervim me anë të internetit. Në sajtet përkatëse do të shihni shtëpi të rregulluara dhe të pastra, të cilat u përgjigjen standardeve. Në vend të dytë mund të hapni një prej udhërrëfyesve, të cilat u shfaqën në treg. Pritet që të dalë manuali më i ri ndër to - udhërrëfyesi “Vatra shtëpiake”, i cili përmban afro 200 faqe me adresa jostandarde për pushime në gjirin e natyrës.
“Shtëpitë për miq ofrojnë një atmosferë shtëpiake, e cila kërkohet nga udhëtarët – pohon botuesi i manualit Atanas Paskalev. – Megjithëse Bullgaria është një vend i vogël, çdo krahinë tërheq vëmendjen e miqve me bukuritë natyrore dhe pamjen e shumëllojshme.” Në qoftë se dëshironi të pushoni jashtë qytetit, vendi më i mirë për çlodhje është ndonjë shtëpi për mysafirë në fshat.
Kohën e fundit bashkitë bullgare filluan të përvetësojnë mjetet nga BE, të cilat janë destinuar për zhvillimin e turizmit. Vëmendje speciale në këtë drejtim i kushtohet ndërtimit të hoteleve, në vende që nuk u shkaktojnë dëme natyrës. Në kuadrin e programeve të ndryshme evropiane shumë prej pronarëve të hoteleve të vogla familjare kaluan kurse për trajnimin e sipërmarrësve në fushën e ndërtimit. Gjithnjë e më tepër, bashkë me kushtet për pushime, pronarët e shtëpive për miq ofrojnë dhe programe të pasura argëtuese.
“Gjithmonë janë ofruar atraksione në këto vende, por deri tani nuk ishin të organizuar kaq mirë për klientët – thotë zoti Paskalev. – Sot kudo ka profesionistë, të cilët ofrojnë hipizëm, fluturim me paraplaner, vizitë në shpella të ndryshme, kacavarje ekstreme nëpër shkëmbinj, kalim nëpër shtigje ekologjike etj. Deri tani njerëzit tek ne e lidhnin turizmin me pushimet në hotel. Por kohen e fundit turistët gjithnjë e më tepër kërkojnë qetësi dhe çlodhje në shtëpitë e vogla, të cilat janë shtruar në gjirin e natyrës. Në tërë vendin pronarët e hoteleve familjare dhe ata të shtëpive për mysafirë prezantojnë pushimet në krahinën e tyre, nga njëra anë, si argëtuese dhe nga ana tjetër si mësimore. Miqtë mund si të kënaqen me veçoritë dhe bukuritë natyrore të vendit, ashtu dhe të njihen me historinë e tij dhe të mësojnë gjëra të dobishme dhe interesante.”
Përgatiti në shqip: Anna Kapitanova
Bashkia Llëki e Rodopeve po punon për ndërtimin e një eko-shtegu të ri që do të çojë drejt majës emblematike Stançov Kamëk, mësojmë nga faqja e internetit bgtourism.bg. Maja është 1299 m e lartë dhe fjalë për fjalë qëndron mbi qytetin Llëki. Tani pjesa..
Monumenti i braktisur në majën Buzlluxha është bërë i famshëm në Instagram, duke zënë vendin e 10-të në renditjen e ndërtesave të braktisura më të vizituara në botë. Të dhënat e kompanisë së sigurimeve Alan Boswell Group, e specializuar në..
Një tren special me vagonë retro do të udhëtojë çdo të shtunë dhe të diele gjatë korrikut në një itinerar nga stacioni Septemvri deri në stacionet Velingrad dhe Cvetino dhe në drejtim të kundërt me rastin e Festave të 51-ta Kulturore të Velingradit...
Fshehur nga vështrimi i turistit masiv, fshatrat e Danubit janë një magnet për adhuruesit e natyrës në kërkim të privatësisë dhe përvojave autentike. Këta..
Kombinimi i një klime të favorshme, natyrës së bukur dhe ujërave të shumta minerale dhe baltës shëruese në Bullgari është i përshtatshëm për..