Xhejms Stavridis: “Bullgaria është një aleate e fortë e NATO-s”

botuar më 10-04-28 11.58.PD

Kryekomandanti suprem i Komandës aleate mbi operacionet e NATO-s admirali James Stavridis (djathtas) dhe shefi i mbrojtjes gjeneral Simeon Simeonov.

Foto: BGNES

Kryekomandanti suprem i Komandës aleate mbi operacionet e NATO-s admirali James Stavridis ishte për një vizitë dyditore zyrtare në Bullgari. Admirali Stavridis është në këtë post nga korriku i vitit 2009 dhe vizita e tij te ne është pjesë e vizitave të tij njohëse në vendet anëtarë të BE-së. Në Sofje shefi i forcave të NATO-s në Evropë u takua me kryeministrin Bojko Borisov, me ministrin e mbrojtjes Anju Angellov dhe me shefin e mbrojtjes gjeneral Simeon Simeonov. “Qëllimi kryesor i bisedimeve qe transformimi i ushtrisë bullgare dhe i pjesëmarrjes bullgare deri në këtë moment në operacione të ardhshme të NATO-s përtej kufirit me theks kryesor mbi Afganistan” – deklaroi gjeneral Simeonov pas takimit të admiralit Stavridis dhe të delegacionit, të kryesuar nga ai, me komandën e ushtrisë bullgare. Nga ana e vet admirali Stavridis deklaroi respektin e tij ndaj Bullgarisë si një aleat i fortë i Aleancës dhe i dha një vlerësim të lartë pjesëmarrjes së vendit në misionin e NATO-s në Afganistan.

“Mirëdita” – përshëndeti në bullgarisht admirali James Stavridis – Para se gjithash desha të shpreh lumturinë dhe mirënjohjen time për të qenë në Sofje - në këtë qytet të bukur dhe me histori të lashtë – deklaroi ai. – Takimet, që pata këtu, ishin jo vetëm të rëndësishme, por edhe jashtëzakonisht të ngrohta dhe të sinqerta. Bullgaria është një anëtar i denjë i NATO-s që nga viti 2004. Detyra ime gjatë kësaj vizite këtu është që të them: “E falënderoj Bullgarinë për kontributin e saj të jashtëzakonshëm në misionet e udhëhequra nga NATO-ja” – nënvizoi admirali Stavridis. – Sot në Afganistan ka mbi 530 ushtarakë nga forcat e armatosura bullgare, të cilët i zbatojnë në mënyrë të shkëlqyeshme detyrat e tyre. Duke qenë komandant nga NATO-ja unë jam jashtëzakonisht krenar me arritjet e çdo një prej tyre. Desha ta shpreh mirënjohjen e NATO-s edhe për pjesëmarrjen e Bullgarisë në misionet në Irak dhe në Ballkan, si dhe në Detin e Zi dhe në Detin Mesdhe. Bullgaria u paraqit si një aleat i fortë në Aleancë dhe ne presim që ta vazhdojmë dhe ta zgjerojmë bashkëpunimin tonë dhe pjesëmarrjen e përbashkët në misionet e NATO-s – deklaroi admirali Stavridis dhe e falënderoi gjeneralin Simeonov për informimin e mirë nga ana e tij për modernizimin e ushtrisë bullgare. – Është e dukshme se ajo lëviz me tempe të mira – ishte kategorik ai. – Dua të falënderoj edhe për mundësinë të provoj rakinë e bukur bullgare në këtë vend të bukur” – shtoi admirali Stavridis.

Siç njoftoi qendra e shtypit e qeverisë, në takimin e admiralit Stavridis me kryeministrin bullgar Bojko Borisov, të dy kanë diskutuar anëtarësimin e Bullgarisë në NATO, bashkëpunimin midis vendit tonë dhe Aleancës, marrëdhëniet politike dhe ekonomike midis shteteve nga Gadishulli Ballkani. Në të admirali Stavridis deklaroi se puna e kryeministrit bullgar është e njohur shumë mirë në SHBA. “Keni kryer një punë shumë të mirë në këtë pjesë të botës – shënoi ai. – Bashkëpunimi ynë me Bullgarinë edhe në kuadrin e NATO-s, edhe në marrëdhëniet me SHBA-në është shumë i mirë dhe do të gëzohemi që ai të vazhdojë të zhvillohet.” Admirali Stavridis i ka shprehur kryeministrit Bojko Borisov edhe falënderimet e posaçme të ambasadorit të SHBA-së në Bullgari Shkëlqesia e tij Xhejms Uorlik për angazhimin personal të kryeministrit në luftimin e korrupsionit, krimit të organizuar dhe në mirëmbajtjen e rendit ligjor në shtet. Nga ana e vet kryeministri bullgar Bojko Borisov ka deklaruar se vendi ynë do të vazhdojë të jetë një partner aktiv dhe një aleat shpresëdhënës i vendeve anëtare të NATO-s.

Përgatiti në shqip: Vesella Mançeva

По публикацията работи: Tatjana Obretenova

Последвайте ни и в Google News Showcase, за да научите най-важното от деня!

Ndaje

Xhejms Stavridis: “Bullgaria është një aleate e fortë e NATO-s”

Më shumë nga rubrika

Mbi 4000 studentë nga e gjithë bota duan një stazh në institutin INSAIT në Sofje

Rrethi i Jetës: Si Rodopet Lindore u bënë një model për një ekosistem të rimëkëmbur

Në Festën Kombëtare, trengjyrëshi bullgar ndriçoi ndërtesat në Tiranë

Rrethi i Jetës: Si Rodopet Lindore u bënë një model për një ekosistem të rimëkëmbur

Mbi 4000 studentë nga e gjithë bota duan një stazh në institutin INSAIT në Sofje