Margarita Popova: “Po pres një vlerësim pozitiv në raportin e Komisionit Evropian gjatë muajit korrik për përparimin e Bullgarisë”

botuar më 10-05-18 11.47.PD

Ministrja e drejtësisë Margarita Popova

Foto: BGNES

“Jam optimiste për vlerësimin në raportin e Komisionit Evropian gjatë muajit korrik për përparimin e Bullgarisë në kuadrin e Mekanizmit për bashkëpunim dhe kontrollit në fushën e “Drejtësisë dhe punëve të brendshme”. Këtë e tha para Radio Bullgarisë ministrja e drejtësisë Margarita Popova. Ajo paraqiti një projekt të strategjisë për reformë të mëtejshme në sistemin gjyqësor. Dokumenti, i cili do të paraqitet për diskutim në Këshillin e Ministrave nga ministrja Popova brenda 10 ditësh, përfshin tri komponentë të rëndësishëm: udhëheqje e mirë e sistemit gjyqësor, juridiksion i drejtë dhe luftim i korrupsionit brenda sistemit. Qëllimi është që të rikthehet besimi i bullgarëve ndaj sistemit. Parashikohet gjithashtu krijimi i një Këshilli për reformën, i cili të ndjekë zbatimin e saj, si dhe të ndjekë gjendjen materiale të kandidatëve për poste udhëheqëse në sistemin gjyqësor, për gjyqtarë të lartë dhe prokurorë, anëtarë të Këshillit të Lartë Gjyqësor dhe të Inspektoratit pranë tij, kurse më tutje edhe kontrollime të të gjithë kandidatëve për rritje të postit. Vetëm para një jave u përhap ideja për krijimin e një gjykate të specializuar për procese penale, të lidhura me kriminalitetin e rëndë të organizuar dhe korrupsionin në etazhet e larta të pushtetit. Mirëpo sipas shtresës së avokatëve dhe opozitës kjo nuk është e pranueshme.

“Unë e përkrah idenë për specializimin e gjykatës – deklaroi në intervistën për Radio Bullgarinë Margarita Popova – Është e rëndësishme të përcaktohet kompetenca e gjykatës, tekstet e sakta, mbi të cilat ajo do të punojë. Kuptohet, janë të rëndësishme dhe kuadrot. Është shumë i rëndësishëm organizimi i strukturës dhe përcaktimi i njerëzve, që do të punojnë në të.”

Sipas ministres Popova, përveç në gjyq, reformë duhet të ketë edhe në Ministrinë e Punëve të Brendshme, që të arrihet një policë, që funksionon mirë, dhe të mos ketë boshllëqe në fazën para gjyqit, të cilat shumë shpesh theksohen si shkak për mungesën e rezultateve. Sipas fjalëve të saj prokuroria, e cila është e detyruar sipas Kushtetutës dhe ligjit, të mbikëqyrë legjitimitetin e veprimeve të kësaj policie, është ristrukturuar dhe askush nuk pengon efikasitetin e saj. “Prokurorët kanë një resurs të madh dhe mundësi të mëdha, të dhëna nga ligji. Ata kontrollojnë dhe udhëheqin veprimet e Ministrisë Bullgare të Punëve të Brendshme. Në qoftë se ka dyshime për mungesë efikasiteti nga ana e tyre, problemi duhet të kërkohet brenda prokurorisë” – është e bindur ajo.

Kush do të kontrollojë gjyqtarët?

“Këshilli i lartë gjyqësor është organi, i cili kontrollon zbatimin e detyrimeve profesionale të të gjithë magjistratëve – rikujtoi Popova. – Në rast se ata kanë shkelur rregullat, ka Këshill të lartë gjyqësor, si dhe Inspektorat pranë vetë prokurorisë.”

Margarita Popova mendon se deri tani ka rezultate të shënuara në sistemin gjyqësor, por ato janë akoma të pakta. Megjithatë ajo është e bindur se me reformën e mëtejshme ato do të përmirësohen dhe se vlerësimi i Komisionit Evropian gjatë muajit korrik për përparimin e Bullgarisë do të jetë pozitiv.

“Aktualisht jam duke përgatitur projektin e raportit vjetor të korrikut të Bullgarisë ndaj Komisionit Evropian – shënoi Margarita Popova. – Po përgjithësoj gjithçka, që ndodhet në sistemin gjyqësor dhe në sferat e tjera, në të cilat punojmë dhe mbi të cilat duhet të shkëmbejmë informacion me Komisionin Evropian. Kuptohet, dëshira ime është për arritje më të mëdha. Mjafton çdo magjistrat të jetë i motivuar për praninë e vet në sistemin gjyqësor dhe të përfitojë nga privilegji i madh i dhënë nga kushtetuta – pavarësia.

Përgatiti në shqip: Vesella Mançeva

По публикацията работи: Tatjana Obretenova

Последвайте ни и в Google News Showcase, за да научите най-важното от деня!

Ndaje

Margarita Popova: “Po pres një vlerësim pozitiv në raportin e Komisionit Evropian gjatë muajit korrik për përparimin e Bullgarisë”

Më shumë nga rubrika

Radioja Kombëtare Bullgare feston përvjetorin e saj të 90-të me aktivitete të ndryshme

Një ekspozitë multimediale paraqet historinë dhe zërat e BNR

150 vjet nga lindja e Ark. Dabko Dabkov, i cili la një gjurmë të ndritshme në pamjen e qytetit bregdetar Varna

Karta bullgare e identitetit është zgjedhur si më e mira në Evropë në një ekspozitë prestigjioze në Zvicër

Fëmijët bullgarë fituan një konkurs në SHBA për të projektuar një koloni hapësinore

"Kombi i shopëve" si një grup etnografik bullgar dhe një "diagnozë" serbe