Qendra më e madhe për vëzhgimin e shpendëve në bregdet

botuar më 10-06-30 11.08.PD

Qendra e vizituesve “Liqeni i Pomories” u krijua në sajë të përpjekjeve të përbashkëta dhe të financimit të Bankës Botërore, fondacionit “Ballkan të gjelbër” dhe bashkia e qytetit Pomorie

Foto: BGNES

Qyteti bregdetar Pmorie që nga koha më e lashtë njihet me baltën kuruese. Edhe më sot, në të vijnë turistë nga mbarë bota. Krahas procedurave të famshme me baltë, qyteti ofron edhe argëtime të ndryshe kulturore, turizëm historik dhe degustim të verërave. Për admiruesit e turizmit ekologjik, tërhequr nga bukuritë unike natyrore të rajonit, u krijuan mundësi për vëzhgimin e përfaqësuesve të ndryshëm të faunës në qendrën më moderne të vizituesve në bregdetin bullgar. Qendra “Liqeni i qytetit Pmorie” u krijua në sajë të përpjekjeve të përbashkëta dhe të financimit nga ana e Bankës Botëror, Fondacionit “Ballkan të gjelbër” dhe bashkisë së qytetit Pmorie. Sipas specialistëve kjo është qendra më moderne për vëzhgimin e shpendëve jo vetëm në bregdetin bullgar, por në territorin e mbarë vendit. Ajo shtrihet në afërsi të drejtpërdrejtë të Liqenit të Pomories dhe të vetmi Muzeu të Kripës. Qendra e vizituesve disponon një sallë për konferenca dhe 10 pika për vëzhgim të njëkohshëm të shpendëve që popullojnë Liqenin e Pomories. Ka salla dhe kabinete për punën e ekspertëve, të cilët do të realizojnë monitorimin e lëvizjes së llojeve të ndryshme shpendësh dhe do të kontrollojnë rajonet e popullatave të shpendëve në Liqenin e Pomories. Ky liqen përbën një lagunë e shtrirë nja 25 kilometra në veri të qytetit bregdetar Burgas dhe 2 kilometra në veri të qytetit Pomorie. Ai është pjesë e Zonave të Lagëta të Bullgarisë dhe i përket kompleksit të madh të Zonave të Lagëta të Burgasit. Një veçori unike e kësaj zone është, se ajo është e kripur dhe në të gjejnë strehë një larmi jashtëzakonisht të madhe shpendësh dhe kafshësh të tjera. Vite me radhë nga ujërat e liqenit nxirret kripa, ndërsa që prej 60 vitesh prej ujërat e tij nxirret edhe balta kuruese. Brenda 10 viteve të fundit liqeni u bë një vend tërheqës për vëzhguesit e shpendëve dhe admiruesit e turizmit ekologjik. Me 200 mijë euro bashkia e qytetit Pomorie financoi krijimin e qendrës për vëzhgimin e shpendëve. Më shumë hollësi sjell kryetari i bashkisë, inxhinier Petër Zllatanov:

Kryetari i bashkisë së qytetit Pomorie inxhinier Petër Zllatanov në sheshin e vëzhgimit në Qendrën “Liqeni i Pomories”

“Qendra u ndërtua në një tokë bashkiake dhe është pronë bashkiake. Së bashku me Fondacionin “Ballkan të gjelbër” kemi ndërmend të vazhdojmë punën për realizimin e këtij projekti, i cili përfshin edhe rehabilitimin, rimëkëmbjen dhe mbrojtjen e Liqenit të Pomories. Do të krijohen edhe shtigje përmes mbarë territorit të liqenit. Më parë do të krijohet një shteg me gjatësi 800 metra. Afërsia e drejtpërdrejtë e qendrës me Muzeun e Kripës jep mundësi që të gjithë turistët që vijnë këtu të bëjnë një udhëtim interesant në mesë të natyrës.”

Në liqen gjejnë strehë më se 266 lloje shpendësh 90 për qind prej të cilëve janë të kërcënuar nga zhdukja. Ata u përfshin në Librin e Kuq të vendit dhe janë të mbrojtur si nga legjislacioni bullgar, ashtu edhe nga ai ndërkombëtar. Krahas vëzhgimit të drejtpërdrejtë të shpendëve nga 10 pika, turistët mund të shikojnë edhe materialet video për jetën në Liqenin e Pomories. Kryetari i bashkisë së qytetit Pomorie Petër Zllatanov është me shpresë, se në sajë të qendrës këtu do të vijnë turistë gjatë tërë vitit:

“Si rezultat i krijimit të qendrës interesi i ornitologëve ndaj Liqenit të Pomries patjetër do të rritet. Gjatë muajit tetor shtegtimi i shpendëve është një fenomen interesant për vëzhgim. Të tjerë shfaqin interes ndaj procesit të ngrohjes së vezëve, gjë që fillon gjatë muajit prill. Të paktën tetë muaji në vit shpendët mund të vëzhgohen me teleskopët e qendrës. Jemi me shpresë, se me ndihmën e Fondacionit “Ballkan të gjelbër” do të arrijmë të tërheqim turistë në rajonin tonë dhe të krijojmë kushte më të mira për punë.”

Përgatiti në shqip: Svetllana Dimitrova

По публикацията работи: Darina Grigorova

Последвайте ни и в Google News Showcase, за да научите най-важното от деня!

Ndaje

Qendra më e madhe për vëzhgimin e shpendëve në bregdet

Më shumë nga rubrika

Tërmete, thatësira, turbina ere... eko-sfidat bashkojnë nxënës nga Bullgaria, Italia dhe Danimarka

Dimri i breshkave - ekipi i Qendrës së Shpëtimit pranë fshatit Banja kujdeset për mbi 200 banorë të saj

Vesella Rajçinova: Bullgarët gëzojnë një reputacion shumë të mirë në Izrael

Dimri i breshkave - ekipi i Qendrës së Shpëtimit pranë fshatit Banja kujdeset për mbi 200 banorë të saj

Tërmete, thatësira, turbina ere... eko-sfidat bashkojnë nxënës nga Bullgaria, Italia dhe Danimarka