Shkolla teatrale verore në Shiroka Llëka ringjall mite dhe legjenda indiane

botuar më 10-07-16 12.24.MD

Foto: arkiv personal

Për vit të tetë me radhë gjatë javëve të para të muajit korrik fshati Shiroka Llëka, i cili gjendet në malin piktoresk Rodope, është mikpritës i Shkollës teatrale verore për fëmijë – jetimë nga jetimorja në Shiroka Llëka. Motori, si të thuash, i aktivitetit është regjisorja Elena Panajotova, e cila punon te ne dhe në Holandë dhe ka tërhequr si partnerë kryesorë Departamentin për teatër dhe arsim pranë Universitetit në qytetin Utreht. Aktiviteti ndihmohet financiarisht nga kompania angleze për software LLP Group dhe nga fondacioni “Den – Gri X”. Shkolla verore teatrale për jetimët është e vetmja shkollë e këtij lloji në vend dhe është duke u shndërruar në një qendër për talente të reja dhe në një festë të shumëpritur nga fëmijët. Zakonisht për shfaqet e fundit në fshatin e Rodopeve Shiroka Llëka mbërrijnë miq nga regjioni dhe vendi, si dhe nxënës nga Holanda dhe Britania e Madhe. Pas shfaqjeve origjinale me motive të përrallave japoneze dhe indiane, sivjet Shkolla verore teatrale në Shiroka Llëka e vë theksin mbi mitet dhe traditat indiane. Sivjet në Shiroka Llëka takohen 70 fëmijë të moshës nga 6 deri në 15 vjeç nga jetimorja në fshat dhe 30 artistë të rinj nga Bullgaria dhe Holanda, të zgjedhur nga regjisorja Elena Panajotova, që të gjallërojnë së bashku botën e indianëve. “Aktorët – pjesëmarrës në projekt, janë të bindur se arti mund të integrojë dhe të edukojë fëmijët” – thotë Elena Panajotova dhe shton:

“Arti teatral na kthen në një epokë të kaluar, fëmijët njihen me mitet dhe legjendat e indianëve. Nëpërmjet lojërave, valleve, këngëve, maskave dhe kostumeve fëmijët zhyten në kohërat e lashta dhe mund të zhvillojnë maksimalisht potencialin e tyre krijues. Sivjet artistët, të cilët punojnë me fëmijët, janë rreth 25 bullgarë dhe holandezë nga Universiteti i ri bullgar dhe Departamenti për teatër dhe arsim pranë Universiteti në qytetin Utreht. Ftuam dhe një grup piktorësh dhe skenografësh të rinj, të cilët punojnë mbi përpunimin e kostumeve dhe dekorit të shfaqjeve.”

Sipas Stanisllav Shishkovit, drejtor i jetimores në fshatin Shiroka Llëka Shkolla verore teatrale është bërë një traditë e mirë në jetën e fëmijëve:

“Fëmijët adaptohen në shoqëri gjithnjë e më shumë. Në sajë të këtij aktiviteti dhe të kontakteve të krijuara po rritet numri i fëmijëve të vendosur me sukses në strehimin familjar, si dhe i atyre të adoptuar në vend dhe jashtë. Pasi përfundon viti shkollor fëmijët fillojnë të më pyesin kur do të vijnë aktorët, kur do të takohemi përsëri. Ne jemi miq me aktorët dhe mirëmbajnë lidhje në internet gjatë tërë vitit. Detajet saktësohen disa muaj para fillimit të Shkollës verore teatrale. Fëmijët presin me padurim për t’u zhytur për herë të radhës në botën përrallore të teatrit, të mishërohen në rolin e aktorëve dhe të krijuesve.”

Përgatiti në shqip: Vesella Mançeva

По публикацията работи: Diana Hristakieva

Последвайте ни и в Google News Showcase, за да научите най-важното от деня!

Ndaje

Shkolla teatrale verore në Shiroka Llëka ringjall mite dhe legjenda indiane

Më shumë nga rubrika

Specialistë të gjuhës bullgare nga tre kontinente shkëmbejnë përvojë dhe fitojnë njohuri në një seminar në Veliko Tërnovo

Arkitekti Rumen Xhagarov restauroi një shtëpi të vjetër dhe u kthye në fshat si një protestë kundër krizës demografike

"Topllo Fest" 2024 - fluturojmë "Lartë në qiell" me qifta, muzikë dhe shumë argëtim!

Një shkollë bullgare në Gjenevë feston 40 vjetorin me konkursin "Përralla për jogurtin"