Radioja Kombëtare Bullgare po zgjeron auditorin e vet

botuar më 10-10-07 12.25.MD

Drejtori i përgjithshëm i Radios Kombëtare Bullgare Valeri Todorov paraqiti botimin kushtuar 75 vjetorit të RKB. Në fotografinë (nga e majta në të djathtë): Kallina Stançeva – drejtorja e programit “Horizont”, Stefan Radovanov – drejtori programor i RKB, Pauliana Novakova – drejtorja e programit “Hristo Botev”, Millena Dajnova – producente në “Radio Sofjen”

Foto: Gergana Avxhieva

Radioja Kombëtare Bullgare gëzon një vëmendje në rritje nga ana e auditorit. Këtë e tregojnë studimet e agjencisë “Market Links” të radio auditorit në vend gjatë muajit gusht. Në krahasim me qershorin, kur ka qenë studimi i mëparshëm, programi “Horizont” i Radios Kombëtare Bullgare - lider në eterin vendas, ka shtuar auditorin e vet mujor me 2.3% dhe është kërkuar prej 32.3% nga dëgjuesit. Programi për kulturë “Hristo Botev” mesatarisht në ditë është zgjedhur prej 115 447 veta - rezultati më i lartë për 3 vjetët e fundit, dhe kjo pikërisht në muajin e pushimeve. Programi i kryeqytetit “Radio Sofja” e ka dyfishuar auditorin e vet mujor. Këto rezultate u shpallën në konferencën e shtypit në medien shoqërore. Në të drejtorët dhe producentët e programeve treguan për ndryshimet në përmbajtjen dhe tingëllimin e plotë të tyre, të përshtatur me nevojat e dëgjuesve. Drejtori i përgjithshëm i Radios Kombëtare Bullgare Valeri Todorov vuri në dukje, se do të vazhdojë zhvillimi i rrjetit paraprak në vend. Gjatë 2 vjetëve të fundit janë zgjidhur problemet më të rëndësishme, lidhur me mbulimin e programeve të radios, përfshi dhe të radio stacionet regjionale. por në zona të caktuara akoma ka njolla të bardha. “Por vet fakti se, mundëm pa një investim suplementar të vëmë në veprim mbi 60 transmetues, është tregues për përpjesëtimin me të cilin punojmë” - vuri në dukje ai.
“Do të duhet të zbulojmë komplekset e reja të programit “Horizont” dhe programi “Hristo Botev”. Ato janë të pajisur me radioteknologjitë më moderne, me program të softuerit Dalet+, që jep mundësi të mëdha për një punë të shpejtë dhe operative me arkivat muzikore, me tekstet - tha Valeri Todorov. Do të përmirësohet sinkroni midis programeve tona dhe internet sajtin e Radios Kombëtare Bullgare, i cili zhvillohet si një media e dytë interaktive. Po e përgatisim sajtin dhe faqen financiare. Mendojmë që në bashkëpunim me institucionet e specializuara financiare të japim një informatë më të detajizuar për auditorin në Bullgari dhe jashtë shtetit. Radioja Kombëtare Bullgare është media e vetme në vend, e cila transmeton në 11 gjuhë. Do të vazhdojë zhvillimi i teknologjive të reja në transmetimet e valëve të shkurtra për jashtë shtetit dhe të transmetimeve në rrugë shifrore”.

Radioja Kombëtare gjithnjë e më shumë po drejtohet dhe drejt auditorit të rinisë. Një nga shembujt për një dialog interesant me të rinjtë është festivali “Allarma pënk xhaz” të programit “Hristo Botev”. “Duam të intrigojmë auditorin e rinisë kryesisht përmes sajtit tonë në internet, i cili është në proces të rinimit. Në të planifikojmë të bëjmë dhe një program të specializuar, i cili i përgjigjet interesave muzikore të dëgjuesve tanë të rinj” - tha Stefan Radovanov, drejtor programor i Radios Kombëtare Bullgare.

Në konferencën e shtypit u paraqit botimi i cili i kushtohet 75 vjetorit të Radios Kombëtare Bullgare. Ai tregon për medien dhe për 10 programet e saj, për grupet muzikore dhe për arkivin e pasur muzikor, për praninë unikale në jetën kulturore të vendit. Libri është një farë llogarie për rinimin gjatë 3 vjetëve të fundit në medie. Në të është e paraqitur dhe Radio Bullgaria, e cila transmeton përditë në ofro 60 orë programe për jashtë shtetit dhe me sajt në 11 gjuhë.

Radioja Kombëtare Bullgare do të jetë organizatore e një forumi me pjesëmarrjen e përfaqësuesve të Radio Bullgarisë, të Ministrisë së kulturës dhe të Ministrisë së punëve të jashtme dhe të medieve. Ai do të shqyrtoi çështjen për informatën, nga e cila nevojiten bashkatdhetarët tanë nëpër botë, për temat, tendencat dhe dukuritë, me të cilat vendi ynë mund të jetë interesant për auditorin e huaj.

Përgatiti në shqip: Nataniela Vasileva

По публикацията работи: Veneta Pavllova

Последвайте ни и в Google News Showcase, за да научите най-важното от деня!

Ndaje

Radioja Kombëtare Bullgare po zgjeron auditorin e vet

Më shumë nga rubrika

Një shoqatë joqeveritare me një fushatë për t'u marrë me plehërishtat e parregulluara në vendin tonë

Shkolla Verore e Gjuhës Bullgare përfundoi me sukses

Sukses bullgar në Turneun Ndërkombëtar të Fizikanëve të Rinj në Budapest

Nxënësit bullgarë fituan 9 medalje nga olimpiadat e fizikës në Iran dhe Gjeorgji

Nxënësit bullgarë fituan 4 medalje në Olimpiadën Ndërkombëtare të Kimisë

Sinodi i Shenjtë doli me pozitë për ceremoninë e hapjes së Lojërave Olimpike