Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Në kohë pikante dhe Krishtlindjа jonë është djegëse

Foto: Facebook /Chilli Hills Farm

Shija pikante është një kulturë. Aleksandër Kjurkçiev - Sando, themeluesi i një ferme për speca djegëse pranë Sofjes dhe muzeut të parë për speca djegës në vendin tonë, është i bindur për këtë. Ai organizoi për të dytin vit radhazi festivalin “Chilli Christmas at the Farm” ("Krishtlindje pikante në fermë"), ose me fjalë të tjera – Sofia Chilli Fest, në fshatin Llozen të kryeqytetit. Ngjarja është planifikuar për dy fundjava radhazi - më 7 dhe 8 dhjetor dhe më 14 dhe 15 dhjetor - dhe është një alternativë pikante në krahasim me pazaret e shumta dhe monotone të Krishtlindjeve me salçice dhe verë, sipas Aleksandrit. 

Edicioni i parë i festivalit
“Festivali i parë ishte shumë i suksesshëm dhe tani do të përqendrohemi në pjesën krijuese”, thotë për BNR organizatori i eventit Aleksander Kjurkçiev-Sando.

Këtë vit, markat e mëdha të industrisë ushqimore do të marrin pjesë në "Chilli Christmas" ("Krishtlindjen Pikante") dhe do të ketë një prezantim të produkteve artizanale. Do të ketë punëtori interesante dhe natyrisht, ushqim pikant.

“Jemi fokusuar shumë në eventetet për fëmijë dhe përveç punëtorive për fëmijë, në program do të kemi edhe shfaqjen “Mbretëresha e dëborës” nga një teatër për fëmijë. Paralelisht me këtë bëjmë edhe shumë degustime. Shumë prej ekspozuesve tanë janë ferma që kanë prodhimin e tyre, si dhe prodhues artizanal, të cilët, përveç ofrimit të produkteve të tyre, bëjnë edhe degustime dhe seminare ku flasin për ato. Për shembull, unë personalisht do të bëj një seminar se si të mbjellim spec djegës, sepse tani është koha për të mbjellë farat e tyre. Ne kultivojmë 140 lloje specash djegës – të vegjël, të mëdhenj dhe nga zona të ndryshme gjeografike të botës. Ne kemi tabela informuese që tregojnë për specin djegës - çfarë është, nga vjen, historinë e tij, etj. Por edhe cilat janë përfitimet shëndetësore sepse ushqimi djegës është një superushqim. Edhe pse djegësja nuk është sezonale për njerëzit që preferojnë ushqimin pikant, shumë njerëz i drejtohen djegëses kryesisht në dimër, sepse është pjesë e traditës sonë bullgare”, përfundon Aleksander Kjurkçiev – Sando.

Dhe nëse dëshironi të provoni një verë pikante të ngrohtë ose rakinë e pjekur që është tradicionale për Ballkanin në dimër, por pak më djegëse - atëherë fshati Llozen është vendi i duhur për pushimet tuaja.

Përpiloi: Vesella Krësteva

Foto: Facebook /Sofia Chilli Fest, Facebook /Chilli Hills Farm

Përgatiti në shqip dhe publikoi: Kostandina Bello



Последвайте ни и в Google News Showcase, за да научите най-важното от деня!

Më shumë nga rubrika

Janë duke u përgatitur standardet për cilësinë dhe vlerësimin e arsimit në kopshte dhe grupet e çerdheve

Tema e cilësisë në arsimin parashkollor dhe arsimin bazë është kyçe për Bullgarinë, por Ligji për arsimin parashkollor dhe arsimin bazë nuk ka një standard të zhvilluar të cilësisë. Krijimi i tij është detyrë e Ministrisë së Arsimit dhe Shkencës dhe..

botuar më 25-01-16 7.30.PD
Akademia Bullgare e Shkencave

Shkencëtarët е Akademisë Bullgare të Shkencave mbështetën unitetin e Kishës Ortodokse Bullgare - Patrikanës Bullgare

Mbledhja e akademikëve dhe anëtarëve korrespondentë të Akademisë Bullgare të Shkencave, e cila bashkon të gjithë anëtarët nga drejtimet shkencore dhe krijuese të Akademisë, miratoi një deklaratë në mbështetje të Kishës Ortodokse Bullgare - Patrikanës..

botuar më 25-01-14 11.06.PD

Simeon Sakskoburggotski: Bullgarët e rinj dhe studiozë janë pasuria e vendit në ditët e sotme

Një vit paqëndrueshmërie politike dhe konfrontimesh jo aq sa i përket ideve për të dalë nga enigma e kahershme e pushtetit në të cilën ndodhet Bullgaria, por më tepër për egon dhe hesapet personale. Kështu dukej politikisht viti 2024. Si rezultat i punës..

botuar më 25-01-14 7.25.PD