Tendencat elektorale gjatë vjeshtës së nxehtë politike

botuar më 10-10-25 11.48.PD

Mbështetja elektorale për partinë GERB stabilizohet pas vitit të parë të qeverisjes së saj. Këtë e tregojnë të dhënat e studimit kombëtar të Gallup International që u zhvillua nga 30 shtatori deri më 7 tetor. Po të ishin zgjedhjet në fillim të këtij muaji, për partinë në pushtet do të votonin 35,2%, që do të thotë se partia e kryeministrit Bojko Borisov do të kishte mazhorancë absolute në parlament. Për Partinë Socialiste Bullgare në opozitë do të votonin 13,8%, kurse për Lëvizjen për të Drejta dhe Liri – 6,8%. Koalicioni Blu do të merrte mbështetjen e 3% të votuesve, kurse “Ataka” – 2,9%.

Në qeverisjen e partisë GERB Gallup International dallon tri fusha të suksesshme. Lufta kundër korrupsionit dhe kriminalitetit vlerësohet lart nga 34%, kurse vlerësimin më të mirë e merr politika e qeverisë lidhur me BE-në. Qeverisja e vendit në tërësi renditet në vend të tretë. Si fusha negative vlerësohen zhvillimi i arsimit, papunësia, gjendja materiale e njerëzve dhe shëndetësia. 20% të të anketuarve janë të mendimit se kjo qeveri punon më mirë se ato të mëparshme. 37% nuk shohin diferencë, kurse 32% mendojnë se situata është më e keqe.

Në studimin e tij Gallut International krahason lëvizjen e rejtingjeve të katër qeverive të fundit dhe të kryeministrave të tyre për 15 muajt e parë të qeverisjes së tyre. Rejtingu është diferenca midis përqindjes së atyre që e miratojnë dhe atyre që nuk e miratojnë një person ose institucion të caktuar.

“Rejtingu i kryeministrit Borisov nga fillimi i qeverisjes së tij ulet gradualisht, por kjo është diçka e zakonshme – tha në një intervistë për Radio Bullgarinë Përvan Simeonov – drejtor i Gallut International. – Një ulje të tillë kemi dhe për tre kryeministrat e mëparshëm. Por modelet janë të ndryshme. Modeli i Bojko Borisovit i ngjan atij të Ivan Kostovit (kryeministri në qeverinë e Forcave të Bashkuara Demokratike, 1997-2001). Kjo do të thotë një start me nivel shumë të lartë dhe një ulje të ngadaltë. Më e madhe është ulja e rejtingut gjatë periudhës analogjike të Simeon Sakskoburggotskit (qeveria e Lëvizjes Kombëtare Simeoni II, 2001-2005). Ai filloi me nivel 62% dhe arriti deri në 2%. Për krahasim – ulja e rejtingut të Bojko Borisovit është nga 52% në 23%, të Ivan Kostovit – nga 27% në 11%. Sergej Stanishev (qeveria e “koalicionit të trefishtë” – Partia Socialiste Bullgare, Lëvizja Kombëtare Simeoni II dhe Lëvizja për të Drejta dhe Liri, 2005-2009) filloi me nivele më të ulëta – 12% dhe u ul në minus 29%. Rejtingu personal i kryeministrit Bojko Borisov tejkalon shumë atë të kabinetit të udhëhequr nga ai. “Po të vazhdojë të qeverisë në këtë mënyrë, kabineti i Borisovit do të ketë fatin e qeverisë së Kostovit, me një ulje graduale të rejtingut”, prognozon Përvan Stefanov.

“GERB humbi një nga shtyllat e rejtingut të tij, dhe pikërisht rimëkëmbjen ekonomike – thotë Përvan Stefanov. – Tani për tani nuk është e dukshme një rimëkëmbje ekonomike. Përkundrazi, vërehet një rritje e shpenzimeve. Mbetet shtylla e dytë e kësaj qeverisjeje – revizioni moral i veprimeve të qeverive të mëparshme. Pyetja është si do të ndikojnë skandalet si ai me ministrin e brendshëm Cvetan Cvetanov për prejardhjen e paqartë të pronave të tij. Sepse po të humbasë GERB dhe kjo shtyllë, kjo do të thotë se do të humbasë stabilitetin e këmbës së dytë, mbi të cilën rri.”

Përgatiti në shqip: Ekaterina Tarpomanova

По публикацията работи: Iliana Rajçeva

Последвайте ни и в Google News Showcase, за да научите най-важното от деня!

Ndaje

Tendencat elektorale gjatë vjeshtës së nxehtë politike

Më shumë nga rubrika

Vallë, a është qeveria në detyrë në të vërtetë një qeveri teknike

Bullgaria vazhdon mbështetjen e saj për integrimin evropian të Kosovës

Kryeministri në detyrë merr edhe postin e ministrit të jashtëm në detyrë