Pozita bullgare për Afganistan nuk ndryshon

botuar më 10-10-29 12.16.MD

“Angazhimi i Bullgarisë ndaj Afganistanit është një investim afatgjatë në sigurinë tonë kombëtare. Për këtë arsye nuk mund të pritet që pjesëmarrja bullgare aty të përfundojë shumë shpejtë” - vuri në dukje ministri bullgar i punëve të jashtme Nikollaj Mlladenov.

Foto: BGNES

Gjatë kësaj jave Sofja ishte mikpritëse e një forumi treditor nën moton “Evropa për Afganistan: nga kuptimi drejt mbështetjes”. Theksat kryesorë në debatet ishin përpjekjet e NATO për rimëkëmbjen e Afganistanit, roli i BE për zhvillimin e këtij vendi të Azisë Qendrore, si dhe përpjekjet e organizatave joqeveritare në rivendosjen e shoqërisë civile në të. Tema është me rëndësi jo vetëm për Bullgarinë, por edhe për tërë shoqërinë ndërkombëtare. Ajo do të jetë ndër theksat kryesorë të Takimit të ardhshëm të nivelit të lartë të NATO në Lisbonë krahas miratimit të Konceptit të ri strategjik të Aleancës. Në forumin në Sofje ministri bullgar i punëve të jashtme Nikollaj Mlladenov vuri në dukje, se pozita bullgare për Afganistan mbetet e pandryshuar.

“Angazhimi i Bullgarisë ndaj Afganistanit është një investim afatgjatë në sigurinë tonë kombëtare. Për këtë arsye nuk mund të pritet që pjesëmarrja bullgare aty të përfundojë shumë shpejtë”, deklaroi ministri Mlladenov. Qëllimi kryesor i pjesëmarrjes sonë në Afganistan është të ndihmojë për ndërtimin e shtetit modern afgan, qeveria dhe forcat e sigurisë të të cilit të kenë kapacitete për zgjidhjen e problemeve të brendshme. D.m.th. të formohet një shtet i qëndrueshëm, i cili të mos është strehim për terrorizimin ndërkombëtar. “Nuk është e drejtë të ketë në kartën e botës shtet pa institucione. Ky fakt shton automatikisht kërcënimet edhe për sigurinë kombëtare të Bullgarisë”, është i bindur Nikollaj Mlladenov. Sipas tij, nëse aleatët nga bashkësia ndërkombëtare nuk arrijnë të ndërtojnë institucione të fuqishme afgane, ushtri dhe polici kombëtare, të cilat të mund të garantojnë jetën dhe sigurinë e qytetarëve të tyre, nëse nuk asgjësojnë strehimin e organizatave terroriste dhe grupazheve radikale aty – problemet e Afganistanit do të arrijnë shumë shpejtë tek kufijtë e Bullgarisë. Në këtë kuptim, pjesëmarrja jonë është detyrim.

Mlladenovi rikujtoi, që sipas strategjisë së bashkësisë ndërkombëtare për Afganistan ajo ka element ushtarak dhe civil – veprime luftarake kundër grupazheve radikale dhe veprime civile për ndërtimin e themeleve të shtetit. Në perspektivë afatgjate elementi civil do të bëhet vendimtar, që të garantohet se në momentin kur shteti afgan do të hyjë në rolin e vet të plotë, prania e Bullgarisë në Afganistan do të behet e panevojshme.

Kontingjenti ushtarak bullgar mbetet në Afganistan për një afat të pacaktuar, konfirmoi në forum dhe ministri i mbrojtjes Anju Angellov. Aktualisht në përbërjen e Forcave ndërkombëtare për ruajtjen e sigurisë, ISAF, marrin pjesë 46 shtete-anëtare të NATO ose shtete- partnere. Bullgaria ka aktualisht atje afro 540 ushtarakë dhe parashikohet deri në fund të vitit 2010 numri i tyre të arrijë mbi 600 veta. Luftëtarët bullgarë janë vendosur në tre rajone të Afganistanit. Vendi ynë ndihmon gjithashtu me medikamente, armë dhe municione për ushtrinë afgane.

Sipas ministrit Angellov misioni i Bullgarisë në Afganistan është i vështirë, por i rëndësishëm. Vendi ynë ndan për misionin tonë mbi 7% prej buxhetit të tij për mbrojtje, vuri në dukje Anju Angellovi.

“Bullgaria ndryshe nga shtetet e tjera, përfshi shtetet anëtare të NATO-s, nuk shpall ndonjë afat fillestar, as përfundimtar për tërheqje nga Afganistani. Pozita jonë aktualisht është se ne do të marrim pjesë në këtë operacion deri sa ka mandat të Këshillit të sigurimit të OKB për Forcat e koalicionit dhe deri sa arrihet në një vendim unanim të Këshillit të Atlantikut Verior.”

Përgatiti në shqip: Sofia Popova

По публикацията работи: Tatjana Obretenova

Последвайте ни и в Google News Showcase, за да научите най-важното от деня!

Ndaje

Pozita bullgare për Afganistan nuk ndryshon

Më shumë nga rubrika

Bullgaria është e para në BE që realizoi inteligjencën artificiale të nivelit të lartë në gjuhën e saj

Ekipi i ri i Ursula von der Leyen: a do të arrihet një "marrëveshje paketë" për të miratuar të gjithë komisionerët e BE-së

Rajonet ku jetojnë bullgarë në Shqipëri është e nevojshme të kenë autonomi administrative

Chat-i bullgar me inteligjencën artificiale BgGPT mund të shfrytëzohet falas nga të gjithë

Nuk ka qartësi se cila pjesë e trashëgimisë kulturore bullgare në Ukrainë është ruajtur për brezat e rinj