Buka çdo ditë është mbi tryezën tonë. E blejmë nga hipermarketi, nga dyqani i lagjes, nga bukëtorja e afërt, por pak janë njerëzit që e gatuajnë vetë në shtëpi. “Nuk kemi më akses në përgatitjen e bukës dhe kjo na shkëput nga magjia e krijimit të saj”, është e bindur Nadezhda Savova. Ajo është krijuese e “Shtëpisë së parë të bukës” në qytetin e Gabrovos. Ajo ndodhet në shtëpinë e riparuar të stërgjyshes së gruas së re dhe për një vit nga hapja e saj u bë një vend, ku vijnë njerëz me mosha të ndryshme dhe profesione të ndryshme. Në “Shtëpinë e bukës” ata mësojnë si të përgatitin vetë bukë, si ta mbrujnë dhe t’i flasin deri sa fryhet, t’i dekorojnë me një vulë, e cila ta dallojë. Deri më 21 janar këtë mund ta bëjnë dhe kryeqytetasit dhe mysafirët e Sofjes, në saje të ekspozitës “performance”, të organizuar nga Nadezhda Savova, me emrin “Rrjetet e bukës”. Mikpritës i aktivitetit është Qendra për kulturë dhe debat “Shtëpia e kuqe”.
“Të bësh këtë lloj “performance” është një eksperiment – shpjegon Nadezhda Savova. – U përpoqa të bashkojë vizatim mbi miell, muzikë dhe fotografi. Në qendër është ideja për bukën si diçka universale, që i bashkon njerëzit. Mysafirët kanë mundësi të mbrujnë bukë, të komunikojnë me njëri-tjetrin në një hapësirë miqësore, ku diferencat shkrihen. Në këtë performance debatohen rrjetet e ndryshme në jetën tonë – sociale, familjare, të dashurisë. Ato na mbledhin dhe na ndajnë, por ne jemi bashkuar në “rrjetin e bukës”. Ekspozitën e vizitojnë edhe fëmijë, edhe të moshuar, edhe adoleshentë. Është shumë e kënaqshme të shohësh fëmijë, të cilët gatuajnë bukë bashkë me prindërit e tyre në qendrën e Sofjes. Kjo në të vërtetë krijon një atmosferë të ngrohtë në ditët e ftohta të dimrit.”
Përveç se është themeluese e “Shtëpisë së bukës”, Nadezhda Savova është dhe doktorante e antropologjisë kulturore dhe sociale në Universitetin Princeton në SHBA. Atje, të frymëzuar nga tregimet dhe fotografitë e saj, gjithashtu përgatiten të bëjnë një shtëpi të bukës.
“Filluam të formojmë një rrjet global të bukës”, thotë Nadezhda Savova dhe shton: “Zyrtarisht ekzistojnë 12 shtëpi të bukës në tërë botën. Në Afrikën e Jugut, në Peru, në Brazili, në Egjipt... Në Evropë ka në disa vende. Do të hapet një shtëpi e bukës në Indi, si edhe në SHBA, në Princeton, ku bëj doktoratë. Ideja është që të rikujtojmë vendin që e zinte buka në shtëpitë tona, në traditat dhe ritet e popujve të ndryshëm në tërë botën. Ta shohim bukën jo thjesht si ushqim, por si simbol i krijimtarisë dhe jetës.”
Përgatiti në shqip: Ekaterina Tarpomanova
Diversiteti kulturor dhe gjuhësor – pikërisht kjo e dallon Bashkimin Evropian dhe gjuhët e folura në komunitet janë një pjesë e rëndësishme e trashëgimisë kulturore të Evropës. Ka 24 gjuhë zyrtare në BE dhe sa herë që në të anëtarësohen shtete..
Emrat e këtij Komisioni Evropian nuk janë më spekulime apo hamendje, por fakt. Struktura gjithashtu dhe ajo që është e qartë është se janë 6 nënkryetarë ekzekutivë por struktura e nënkryetarëve të zakonshëm është hequr. Siç pritej, secila prej..
Pas ditës së parë të shkollës për nxënësit në Bullgari - 15 shtator - vjen koha për të nisur vitin e ri shkollor edhe për studentët, pasi shumica e institucioneve të arsimit të lartë në vendin tonë hapin dyert më 1 tetor. Në këtë interval prej rreth dy..
Kujtimet e Bullgarisë në 100 vitet e fundit mund t'i tregojnë 300 gra dhe 96 burra. Në Sofje ka më shumë njëqindvjeçarë, sipas të dhënave të..
Fermerët në Europë vazhdojnë të përballen me vështirësi dhe sprova të mëdha, si në treg ashtu edhe për shkak të ngjarjeve të jashtëzakonshme që ndikojnë..
Interesi për të studiuar jashtë te të rinjtë bullgarë po rritet - me 30% më shumë krahasuar me një vit më parë, dhe numri i studentëve që largohen..