Në një takim në Sofje presidenti i Bankës Evropiane të Investimeve Philippe Maystadt dhe kryeministri bullgar Bojko Borisov biseduan për mundësinë që banka të mbështetë financiarisht dhe me ndihmë eksperte përgatitjen e projekteve të rëndësishme infrastrukturore të Bullgarisë, në kuadrin e të cilave shteti do të kërkojë financim nga fondet evropiane. Pritet se kështu do të përshpejtohet absorbimi i mjeteve nga fondet strukturore të BE-së, të parashikuara për Bullgarinë.
“Sot diskutuam për këtë si mund të punojmë së bashku për absorbimin e fondeve strukturore nga ana e Bullgarisë, tha para gazetarëve Philippe Maystadt, president i Bankës Evropiane të Investimeve. – Banka mund jo vetëm të financojë, por edhe të marrë pjesë aktivisht në përgatitjen e projekteve. Sepse për të marrë financim nga fondet strukturore Bullgaria duhet më parë të përgatitë projekte të mira. Për Bullgarinë është e rëndësishme që gjatë viteve të ardhshme të ndërtojë disa autostrade. Akoma gjatë javës së ardhshme do të fillojmë të bashkëpunojmë për përgatitjen e projektit për autostradën “Struma”. Ky është një prioritet jo vetëm për Bullgarinë, por edhe për tërë BE-në, sepse “Struma” është pjesë e korridorit transportues №4. Është me rëndësi mbarëevropiane që autostrada të ndërtohet sa është e mundshme më shpejtë dhe për këtë arsye meriton vëmendje të posaçme. Do të punojmë bashkë me Komisionin Evropian dhe me autoritetet bullgare për të shpejtuar këtë proces. Shpresojmë se qytetarët do të shikojnë rezultate konkrete gjatë disa viteve të ardhshme.”
Ndërtimi i autostradës 130-kilometrashe “Struma” do të kushtojë pak më se 1 mrld euro. 80% prej tyre mund të sigurohen nga fondet strukturore, 20% do të jenë pjesëmarrje shtetërore. Përveç autostradës “Struma”, e cila është pjesë e korridorit, i cili e lidh lumin Danub me portin grek Selanik, ndër projektet e diskutuara janë autostrada “Hemus”, që e lidh qytetin bregdetar Varna me kryeqytetin Sofje dhe autostrada “Trakija” – midis Sofjes dhe qytetit Burgas, pranë Detit të Zi. “Trakija” është pjesë e korridorit transportues N8 në drejtim Lindje – Perëndim. Tani për tani autostrada “Hemus” nuk hyn në rrjetin transportues (TEN-T), i cili ndërtohet nga BE-ja me prioritet. Bullgaria insiston që “Hemusi” të bëhet pjesë prej këtij rrjeti dhe kështu gjithashtu të financohet nga Banka Evropiane e Investimeve. Nëse kjo bëhet, shteti do të mund të bëjë kërkesë për financim nga fondet strukturore evropiane gjatë periudhës së ardhshme 2014-2020.
Banka Evropiane e Investimeve do të marrë pjesë me ekspertë të vet në përgatitjen e projekteve të Bullgarisë për autostradat në fjalë dhe për heqjen e pengesave burokratike në Komisionin Evropian – tha kryeministri bullgar Bojko Borisov. “Kjo do ta përshpejtojë shumë absorbimin e mjeteve nga fondet evropiane të parashikuara për Bullgarinë – tha ai dhe shtoi. – Në disa vitet e ardhshme do t’i absorbojmë fondet evropiane shumë shpejt dhe kjo do të provokojë një ringjallje të konsiderueshme në sektorin e ndërtimit. Kjo nga ana e vet do të hapë shumë vende të reja pune. Jam shumë i lumtur se Banka Evropiane e Investimeve do ta mbështetë aq fortë qeverinë bullgare në këtë proces. Kështu do të garantohet shpejtësia, transparenca dhe puna eksperte.”
Banka Evropiane e Investimeve premtoi se do të sigurojë hua prej 1 mrld e 200 mln euro, me të cilën shteti ynë do të japë garanci shtetërore për pjesëmarrje në gazsjellësin evropian “Nabuko”, i cili do të lidhë burimet e pasura të gazit në pellgun Kaspik dhe në Lindjen e Mesme me shtetet e pjesës qendrore të Evropës.
Përgatiti në shqip: Jordanka Ivanova
Në periudhën janar-prill 2024 eksporti ynë kryesor i djathit dhe gjizës ishte në Greqi (882 ton, ose një rënie prej -48.6% krahasuar me të njëjtën periudhë të vitit 2023), Mbretëria e Bashkuar (871 ton, ose një rritje prej 22.1%) dhe SHBA (844 ton,..
Në tremujorin e dytë të vitit 2024, paga mesatare mujore bruto në Bullgari u rrit me 4.5% krahasuar me tremujorin e parë të vitit 2024 dhe arriti në 2296 leva ose 1174 euro, sipas të dhënave të Institutit Kombëtar të Statistikave. Aktivitetet..
Besimi i konsumatorëve u rrit në korrik me 5.6 pikë, sipas një sondazhi të Institutit Kombëtar të Statistikave. Sipas vlerësimit të përdoruesve, situata e përgjithshme ekonomike në vend për 12 muajt e fundit është në përmirësim, pritshmëritë për 12..