Si para më shumë se 2000 vjetëve, ashtu dhe sot një qytet i vogël në rrëzë të malit Stara Planina, Bullgari e Mesme, ofron shërim të sëmundjeve të ndryshme dhe procedura spa për rinim. Hisarja – një prej vendpushimeve spa më të njohura në Bullgari pret miqtë e saj, motoja e të cilëve është “Shpirti i shëndosh në trupin e shëndosh dhe të bukur.”
Në qytetin Hisarja dimri është i butë, pranvera mban erën e luleve, ndërsa vera është e freskët. Por pasuria më e madhe e vendpushimit janë ujërat minerale. Mbi 22 burime me përmbajtje të ndryshme kimike rrjedhin në territorin e qytetit. Për vetitë e tyre shëruese dihet që prej lashtësisë. Romakët, të tërhequr nga kjo pasuri natyrore, krijuan një qytetet të fortifikuar me emrin Dioklecianopol për nder të perandorit Dioklecian (285-305). Për madhështinë e dikurshme të qytetit sot kujtojnë të mbeturat e pallateve të bukura, të kazermave, bazilikave të krishterimit të hershëm dhe të ndërtesave administrative. Po ashtu janë ruajtur mure të fortifikuara, të bëra sipas ndërtimit karakteristik për romakët në atë kohë – me gur të gdhendur dhe në vende me pllaka terrakote. Duke shëtitur në rezervatin arkeologjik, përshtypje bëjnë të mbeturat e banjave romake, të cilat kishin qenë një vendpushim për përmirësimin e shëndetit. Vizituesit e tyre kanë bërë procedura të shërimit dhe të zbukurimit. Edhe sot banjat bashkë me qendrat e reja spa kanë shumë klientë nga Bullgaria dhe jashtë vendit. Zonja Jana Hristozova prej vitesh punon në një prej hoteleve vendase, të cilat ofrojnë shërim me ujëra të nxehta minerale. Fizioterapistja pohon se interesi për shërbimet e ofruara është kaq i madh, se nganjëherë nuk mund t’u shërbejnë të gjithë klientëve. Ujërat e qytetit Hisarja janë të dobishme për shërimin e sëmundjeve të veshkave, të zorrëve dhe të stomakut. Qyteti pret më shumë miq gjatë muajve të ngrohtë.
“Kulmi është gjatë verës. Nga muaji maj fillojmë të presim grupe të mëdha turistësh nga Izraeli, të cilët arrijnë deri në 400 presona në ditë – sqaron zonja Hristozova. – Kishte momente, kur kemi bërë deri në 900 procedura në ditë, por kjo është një ngarkesë e madhe. Ofrojmë terapi me ujë të nxehtë, me parafinë dhe me baltë nga Deti i Vdekur. Kemi tradita në fushën e akupunkturës. Përveç kabineteve për terapinë me gjilpëra, kemi edhe kabinete të pajisura posaçërisht për punkturën me lazer. Për ata që dëshirojnë të zbukurohen, ofrojmë terapi të ndryshme me ujë deti, kripë dhe alga për dobësim, po ashtu dhe procedura kundër celulitit etj. Vaskat e banjës janë prej margaritarësh, gjithashtu bëjmë edhe masazhe nën ujë. Vijnë turistë jo vetëm nga Izraeli, por edhe nga Bullgaria, Britania e Madhe, Gjermania dhe Franca.”
Që ta përjetojnë krizën këtë dimër, hotelierët vendas ulën çmimet e fjetjeve dhe të shërbimeve spa. D.m.th. në fund të shkurtit disa hotele ishin plot e përplot. Temperaturat jashtëzakonisht të ulëta për stinën nuk i penguan miqtë që të përdorin pishinat e jashtme me ujëra të nxehta minerale. Një zhytje në pishinë jua siguron efektin tonik. Ujërat e vendpushimit Hisarja jo vetëm shërojnë, por edhe çlodhin. Që nga procedura e parë në ujë lëkura bëhet е lëmuar si mëndafshi. Terapistët e rehabilitimit dhe masazhierët do të bëjnë gjithçka të mundshme që të ndiheni si njeri i ri.
Pastaj mund të bëni shëtitje në qytetin e lashtë dhe të shkoni në ndonjë restorant tradicional. Në secilin hap do të zbuloni çezma, nga të cilat burojnë ujëra minerale me përmbajtje të ndryshme kimike dhe me veti shëruese. Këtu çdo burim e ka historinë e vetë. Burimi më i njohur “Lotzonjë” ka të bëjë me historinë e një bukurosheje bullgare, e cila gjatë robërisë otomane u mor në haremin e beut vendas. Një ditë i zoti i shtëpisë e detyroi që të argëtojë miqtë e tij. Por kur u ngrit me tabakanë në duar, vajza e goditi kokën e beut dhe ai vdiq. E ndëshkuan të vdesë në shtyllën e turrës së druve. Kur flakët e zjarrit e mbuluan trupin e vajzës, nga sytë e saj pikuan dy lot të mëdhenj, nga të cilët rrodhi burimi shërues. Sot skulptura e vajzës, e cila ka ngritur tabakanë mbi kokës, zbukuron qendrën e qytetit Hisarja. Pranë burimit “Lotzonjë” rrjedhin 4 çezma me ujëra minerale. Sot vendpushimi Hisarja është shpallur kryeqyteti spa i Ballkanit.
Përgatiti në shqip: Anna Kapitanova
Turne pa pagesë më këmbë “Ruse Summer Tour” në anglisht, për mysafirët bullgarë dhe të huaj të qytetit, fillojnë të shtunën, më 4 maj në qytetin danjubian Ruse. Itinerari i tyre përfshin ndërtesat dhe vendet më emblematike në pjesët qendrore të Ruses...
Këtë vit moti është në anën e turizmit bullgar! Falë temperaturave të larta, pushimet e fundjavës në male apo në fshat janë “aktivizuar” tashmë që në fillim të prillit. Moti i ngrohtë solli drejt plazhit pushuesit e parë të padurueshëm përgjatë..
30% e hoteleve në pushimoren Sllënçev Brjagnë Detin e Zi do të hapen më 1 maj. Bëhet fjalë për hotele të kategorisë së lartë për të cilët janë bërë rezervime nga turistë bullgarë, rumunë dhe grekë. “Çmimet e paketave turistike për këtë verë janë..
Pjesërisht me re
Diell, re, shi, bubullime
Vranësira të dendura