Bullgaria do të marrë pjesë në vendosjen e embargos mbi Libinë

botuar më 11-03-31 11.19.PD

Fregata “Drëzki” do të përfshihet në operacionin e NATO-s “Mbrojtësi i Bashkuar”

Foto: BGNES

Më 30 mars qeveria bullgare mori vendim që shteti ynë të marrë pjesë me fregatën “Drëzki” në operacionin e NATO-s “Mbrojtësi i Bashkuar” për forcimin e embargos së armëve mbi Libinë. Në anije do të ketë 160 veta, ndër të cilave një grup prej 12 ushtarakëve. Pritet se fregata do të përfshihet në operacion më 15 prill dhe do të marrë pjesë në të rreth një muaj, pavarësisht nga kjo se mandati i saj është 3 mujor.

Pjesëmarrja e Bullgarisë në këtë operacion nuk është ndryshim i pozitës së shtetit tonë për mospjesëmarrje në veprimet ushtarake kundër Libisë, siç komentoi një agjenci. Bullgaria nuk ka kapacitet për pjesëmarrje në veprime ushtarake. Avionët gjuajtës rusë, me të cilët disponojnë Forcat Ushtarako-Ajrore të Bullgarisë nuk kanë pajisje për identifikim e armikeve dhe partnerëve (të vet – të huaj) dhe në se përfshihemi në veprimet ajrore avionët tonë mund të bëhen viktima të “zjarrit miqësor”. Në fregatën “Drëzki” në të vërtetë do të ketë 12 ushtarakë, por ajo vetëm do të patrullojë, do të mbikëqyrë dhe do të verifikojë anijet e dyshimta, do t’i frenojë ose do t’i dërgojë në porte të saktësuara për kontrollimin e ngarkesës.

Ekuipazhi i fregatës tashmë ka përvojë në veprime të tilla. Që nga viti 2005 ai periodikisht merr pjesë në operacionin e NATO-s “Active Endeavour” në ujëra ndërkombëtare të Mesdheut dhe në shoqërimin e anijeve civile të shteteve anëtare të NATO-s në Ngushticën e Gjibraltarit.

Në të vërtetë vendimi për pjesëmarrjen e fregatës bullgare në forcimin e embargos mbi Libinë u vonua. Qeveria bullgare ishte gati për një operacion të tillë, por vendimi ishte marrë pasi u bë e qartë se veprimet ndërkombëtare do të komandohen nga NATO. Bullgaria ka gatishmëri të marrë pjesë në veprimet ndërkombëtare edhe me ndihmë humanitare dhe ekipe mjekësore. Në kontekstin e përpjekjeve për fillimin e një procesi politik të pajtimit kombëtar dhe të tranzicionit ndaj demokracisë në Libi, Bullgaria do të zgjerojë praninë e vet diplomatike në Libi duke rivendosur konsullatën e saj në Bengazi.

Në sfondin e operacionit me përmasa të mëdha kundër regjimit në Libi, mund të thuhet se pjesëmarrja e Bullgarisë është shumë e vogël dhe bile mund të cilësohet vetëm si shenjë e solidaritetit me veprimet kundër autoriteteve, të cilët disa vjet me radhë torturuan 6 qytetarë bullgarë. Bëhet fjalë për infermieret bullgare të akuzuara me vdekje për infektimin e shumë fëmijëve libianë me virusin e SIDA-s.

Nga ana tjetër pjesëmarrja e Bullgarisë në “Mbrojtësin e Bashkuar” është gjithashtu vazhdim të politikës së qëndrueshme të Bullgarisë për pjesëmarrje në veprime ndërkombëtare në pika të nxehta të botës.

Përgatiti në shqip: Jordanka Ivanova

По публикацията работи: Stoimen Pavllov

Последвайте ни и в Google News Showcase, за да научите най-важното от деня!

Ndaje

Bullgaria do të marrë pjesë në vendosjen e embargos mbi Libinë

Më shumë nga rubrika

Personaliteti i Vasill Levskit vazhdon të lidhë bashkatdhetarët tanë jashtë vendit

BTA prezanton një font unik me rastin e përvjetorit të saj

Gëzuar 89 vjet, Radio Bullgaria!

Tre vjet më vonë - për luftën në Ukrainë, paqen dhe të ardhmen

Interesi për të mësuar bullgarisht është në rritje në Edrene