Sofja krijon 30 për qind prej Prodhimit të brendshëm bruto të Bullgarisë

botuar më 11-04-07 11.15.PD

Gjatë vitit 2010 Sofja u shpall qyteti më i mirë i biznesit.

Foto: Darina Dineva

“Biznesi ndërtimor po ringjallet, kjo shihet nga ndërtimet e shumta në territorin e bashkisë”. Konstatimi është i kryetares së Bashkisë së kryeqytetit Jordanka Fandëkova. Faktet flasin për ringjalljen e një sektori, i cili u dëmtua më shumë nga kriza ekonomike dhe financiare – bëhet fjalë për ndërtimin dhe pronat e patundshme.

“Kemi mbi gjysmë milion leva (250 mijë euro) më shumë të ardhura nga lejë për ndërtime në krahasim me periudhën e njëjtë të vitit të kaluar – saktësoi Jordanka Fandëkova. – Duke shtuar dhe mbi 300 mijë leva (150 mijë euro) më shumë nga viti i kaluar nga marrëveshjet me pasuri të palëvizshme, mund të themi se ky është një lajm i mirë. Faktet flasin se ka një lëvizje të dukshme të marrëveshjeve me pasuri të patundshme.”

Ndërtimi, tregtia me prona të patundshme, telekomunikacionet, infrastruktura dhe shërbimet e biznesit përbëjnë përqindjen më të madhe të tërheqjes së investimeve të huaja në kryeqytet. Përveç kësaj përqindja më e madhe e Prodhimit të brendshëm bruto është në Sofje.

“Sofja është qyteti, në të cilin janë përqendruar të gjitha bankat dhe institucionet e mëdha financiare – vazhdon kryetarja e Bashkisë së kryeqytetit. – Kuptohet, kjo pasqyrohet në dy drejtime – mbi bashki dhe qytetarët e Sofjes dhe përkatësisht – mbi institucionet financiare. Angazhimi kryesor, kujdesi ynë kryesor si administratë bashkiake, është që të garantojmë një klimë të mirë të biznesit në kushtet jo të lehta të krizës ekonomike dhe financiare. Është e dukshme se Sofja vazhdon të jetë një qytet i mirë për investime. Kjo vlerësohet nga vetë investitorët. Megjithëse investimet në përgjithësi u zvogëluan në vend gjatë vitit 2010, vetë fakti se ato vazhdojnë të përqendrohen në qytetin tonë, flet se kur punohet mirë me partnerët, rezultatet nuk vonohen. Gjatë vitit 2010 Sofja u shpall qyteti më i mirë i biznesit.”

Vetë bashkia si institucion gjithashtu është një prej investitorëve të mëdhenj. Prioriteti kryesor i kryeqytetit është zhvillimi i infrastrukturës. Vetëm në ndërtimin e një prej objekteve më të rëndësishme – metroja, punojnë si ekzekutues ose nënekzekotues 30 kompani bullgare dhe të huaja. Domethënë kjo është një mundësi për sigurimin e punës për biznesin dhe të më shumë se 3500 vende pune vetëm për këtë objekt. Për përmirësimin e infrastrukturës, gjë që gjithashtu i ndihmon investimet, janë duke u ndërtuar mbi 27 kilometra rrejt hidraulik dhe 37 kilometra kanalizim.

“Gjatë vitit 2010 u rrit rejtingu i kreditimit i bashkisë së kryeqytetit dhe kjo u detyrohet si shumë faktorëve të tjerë, ashtu dhe faktit se Sofja është një qendër administrative, financiare dhe tregtare e vendit – thotë me krenari kryetarja e Bashkisë së Sofjes Jordanka Fandëkova, duke u argumentuar kështu: Tërhoqëm rreth 70 për qind prej investimeve të huaja në vend. Përqindja relative e Sofjes në ekonominë e vendit është rreth 30 për qind e prodhimit të brendshëm bruto. Punojmë kryesisht me bankat evropiane. Huat e bashkisë së kryeqytetit janë rreth 100 milionë leva (50 milionë euro) për vitin 2011. Këto janë kryesisht mjete, me të cilat bashkëfinancojmë projektet e mëdha evropiane mbi të cilat jemi duke punuar dhe të cilat janë me vlerë mbi 300 milionë leva (150 milionë euro). Programi i kapitalit është pothuaj gjysma prej buxhetit të përgjithshëm të bashkisë, kurse ai është rreth 1,2 miliardë leva (600 milionë euro). Përveç bashkëfinancimit, kemi tërhequr një resurs prej Bankës Evropiane të Investimeve për ndërtimin e udhëkryqeve aq të mëdha me dy nivele në qytete.”

Megjithë krizën, motoja e Sofjes mbetet aktuale: “Rritet, por nuk plaket!” Sepse zhvillimi i industrisë ndërtimore do të vazhdojë ta modernizojë qytetin, dhe të krijojë komfort dhe një atmosferë të këndshme në Sofje. Kurse “Zemra e Sofjes” – projekti i ri investues i bashkisë, u premton kryeqytetasve dhe miqve për të zbuluar pasurinë historike dhe të kaluarën e lavdishme të Sofjes.

Përgatiti në shqip: Vesella Mançeva

По публикацията работи: Tanja Harizanova

Последвайте ни и в Google News Showcase, за да научите най-важното от деня!

Ndaje

Sofja krijon 30 për qind prej Prodhimit të brendshëm bruto të Bullgarisë

Më shumë nga rubrika

Marrim 65.2 milionë euro nga BE-ja për të forcuar rrjetin e transmetimit të energjisë elektrike

Është më realiste që Bullgaria të anëtarësohet në eurozonë në vitin 2026

Eksporti i mallrave bullgare në Kinë është dyfishuar

Bullgarët mbajnë në banka mbi 75 miliardë euro, po rriten edhe paratë nga emigracioni