Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Gjallërimi në ekonominë bullgare po vazhdon

Sipas kryetarit të Qendrës për zhvillim ekonomik Georgi Prohaski gjatë tremujorit të parë të këtij viti do të ketë rritje ekonomike prej 0.5-1 për qind.
Foto: Tanja Harizanova
Ekonomia bullgare del ngadalë dhe vështirë nga kriza. Ky është përfundimi i një raporti të Qendrës për zhvillim ekonomik për gjendjen e zhvillimit ekonomik të vendit gjatë tre muajve të parë të vitit. Rritja gjatë vitit do të jetë e dobët, sepse ka mjaftë faktorë në dëm të rritjes ekonomike dhe kjo nuk do të lejojë që gjatë vitit 2011 të arrihet deri në nivelet para krizës në shumicën e sektorëve.

Industria bullgare e përballon më lehtë krizën. Për dy muajt e parë të vitit rritja e prodhimit industrial u përshpejtua. Faktori kryesor për daljen e Bullgarisë nga kriza mbetet industria për shkak të rritjes së eksportit në këtë sektor. Të dhënat e analizës së Qendrës për zhvillim ekonomik tregojnë se i paprekur nga kriza mbetet vetëm sektori financiar. Për llogari të kësaj konsumimi i brendshëm mbetet i kufizuar edhe gjatë tre muajve të parë të vitit. Eksporti regjistron një rritje më të madhe prej afro dy të tretash për dy muajt e parë të vitit në krahasim me periudhën e njëjtë të vitit të kaluar. Shkaku është në rimëkëmbjen e qëndrueshme, edhe pse të ngadaltë të eksportit në Eurozonën. Faktorët, të cilët kontribuuan për rritjen e eksportit janë lidhur me gjallërimin e tregjeve ndërkombëtare, rritjen e çmimeve të lëndëve të para, të lëndëve djegëse dhe të ushqimeve.

Vëllimi i investimeve të huaja që nga fillimi i vitit 2011 është mjaftë modest – 53.4 milionë euro për dy muaj. Ekspertët e qendrës parashikojnë se deri në fund të vitit investimet e huaja mund të arrijnë afro 2 miliardë euro. Faktorët për një zhvillim të tillë janë stabiliteti politik dhe ekonomik në Bullgari, në sfondin e trazirave në botën arabe, qëllimet tashmë të deklaruara të kompanive të huaja për të orientuar një pjesë prej veprimtarive të tyre te ne, si dhe interesi ndaj sektorit energjetik kryesisht në burimet ripërtëritëse energjetike.

Që nga fillimi i vitit deri në muajin mars inflacioni në Bullgari është 2.4 për qind. Më shumë janë rritur çmimet e produkteve më të përdorura. Shkaku kryesor për “import” të presionit të inflacionit te ne gjatë muajve të parë të vitit është gjendja e pasigurt ndërkombëtare. Analizatorët parashikojnë që inflacioni për vitin 2011 të arrijë rreth 5 për qind.

Viti 2011 përsëri filloi me një deficit buxhetor, por ai është mjaftë më i ulët në krahasim me atë të vitit të kaluar. Borxhi shtetëror ndaj muajit shkurt përbën afro 14 për qind prej Produktit të Brendshëm Bruto ose 5.2 miliardë euro, tregon analiza.

Çfarë janë parashikimet makroekonomike të Qendrës për zhvillim ekonomik?

“Parashikimi ynë është se gjatë tremujorit të parë të këtij viti ekonomia do të rritet me një temp minimal nga 0.5 deri në 1 për qind. Për tërë vitin 2011 rritja do të jetë mbi 2.5 për qind – tha gjatë paraqitjes së raportit Georgi Prohaski, kryetar i Qendrës për zhvillim ekonomik. – Të dhënat e Institutit Kombëtar të Sigurimeve tregojnë se gjatë vitit 2009 zhvillimi i ekonomisë është ulur me 2.5 për qind, kurse periudha më kritike ishte gjatë tremujorit të katërt të vitit 2009 me një ulje prej 7.6 për qind. Gjatë vitit 2010 ekonomia filloi të dilte ngadalë nga kriza, por arriti vetëm 0.2 për qind rritje për tërë vitin. Kjo rritje do të jetë më e lartë nga viti i kaluar, por tani për tani nuk mendojmë se mund të tejkalojë më shumë se 3 për qind.”

Përgatiti në shqip: Vesella Mançeva
По публикацията работи: Tanja Harizanova


Последвайте ни и в Google News Showcase, за да научите най-важното от деня!

Më shumë nga rubrika

Anna Mihneva-Natova

Bullgaria është ndër prodhuesit dhe eksportuesit më të mëdhenj të biçikletave

Për sa i përket prodhimit dhe eksportit të biçikletave, Bullgaria është ndër 10 vendet e para në BE, njoftoi qendra për shtyp e Ministrisë së Transportit dhe Komunikacioneve. Gjatë një takimi të Këshillit Joformal në Bruksel, 3-4 prill,..

botuar më 24-04-05 3.36.MD
Asen Vasilev

Kur plotëson kriterin e inflacionit, Bullgaria hyn në Eurozonë

Bullgaria do të mund të hyjë në Eurozonë kur të mbulohet kriteri i inflacionit. Kështu tha ministri i фinancave në dorëheqje Asen Vasilev në Kuvendin Popullor, gjatë diskutimeve lidhur me Holdingun Bullgar Energjetik. Vasilev vuri në dukje se..

botuar më 24-03-29 5.07.MD

“OMV Petrom” merr përsipër kërkimin e gazit në zonën bullgare të Detit të Zi

Kompania rumune “OMV Petrom”, e cila është pjesë e OMV austriake, do të operojë plotësisht bllokun detar “Han Asparuh”. Në koncesionin për kërkimin e gazit kompania merr përsipër pjesëmarrjen e deritanishme të kompanisë franceze “TotalEnergies”...

botuar më 24-03-27 11.42.PD