Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

100 vjet aviacion bullgar

Avioni i parë bullgar “Express” pas fluturimit të suksesshëm më 10 gusht 1915.
Foto: 100.airshow-bg.com
Kush është më i shpejt – bolidi i Formulës 1 apo gjuajtësi bombardues MiG 29? Rezultati i garës midis dy makinave të fuqishme do të bëhet i ditur gjatë festimeve zyrtare të kushtuara përvjetorit të 100-të të aviacionit bullgar. 40 avionë, 10 helikopterë dhe teknikë fluturuese të aviacionit të lehtë të 10 vendeve do të bëjnë një shou madhështore më 3 e 4 shtator në aeroportin e qytetit të Plovdivit. Nga ky aeroport u realizuan fluturimet e para në Bullgari. Gjatë Ekspozitës së parë ndërkombëtare të Plovdivit në qiell u ngritën me balonë tre bullgarë. Kjo u bë gjatë vitit 1892. Kurse para 100 vjetëve me një urdhër të mbretit Ferdinand u krijua aviacioni ushtarak, i cili më tej u bë themeli i zhvillimit të aviacionit civil.

© Foto: 100.airshow-bg.com


Në Festivalin ndërkombëtar të aviacionit në Bullgari “Qiell për të gjithë” do të marrin pjesë Forcat ushtarake ajrore të Bullgarisë, Italisë, Gjermanisë, Rusisë, Zvicrës, Suedisë, Rumanisë, Greqisë, Serbisë, Turqisë. Me një pilotazh interesant dhe dinamik do të prezantohen tri shkollat prijëse dhe prodhuesit më të mëdhenj të aviacionit në botë – Evropa, Amerika dhe Rusia. Forcat ushtarake ajrore të Turqisë do të marrin pjesë me F-16, kurse Rusia do të prezantojë modelin e ri të avionit MiG – 29M OVT. Shikuesit tek ne për herë të parë do të shohin gjuajtësit Gripen dhe Eurofighter. Asët e aviacionit bullgar do të tregojnë të gjitha llojet e teknikës fluturuese, me të cilat është armatosur ushtria bullgare. Muzeu i aviacionit do të marrë një dhuratë zyrtare – katër avionë të vjetër, ndër të cilët Albatros F2 dhe Newport 25.

© Foto: aviator.am

Modeli i ri i avionit MiG – 29M OVT.

Para shous atraktive të aviacionit do të zhvillohet një Konferencë shkencore dhe praktike me moton “100 vjet aviacion bullgar” me pjesëmarrje ndërkombëtare, do të hapen ekspozita të avionëve të vjetër dhe të teknikës bashkëkohore. Filozofia e festimeve projektohet në tri drejtime – të kaluarën, të sotmen dhe perspektiva e aviacionit bullgar. Në programin e posaçëm për përvjetorin e 100-të të aviacionit bullgar u përfshinë dhe asët amerikanë nga eskadrila e famshme Thunderbirds (“Zogjtë e stuhisë”), të cilët demonstruan pilotazh të lartë para dy muajve në Bullgari. Në festival do të tregohen avionë emblematikë, me të cilët ishte armatosur ushtria bullgare në të kaluarën. Mysafirët e shous do të kenë mundësi të hyjnë në avionë dhe helikopterë për t’i parë nga brenda.

© Foto: 100.airshow-bg.com

Skuadrilja e njohur amerikane “Zogjtë e stuhisë”.

“Na pret një ngjarje e jashtëzakonshme – një shekull aviacion bullgar – tha në konferencën e posaçme për shtyp gjenerali i brigadës Rumen Radev, zëvendëskryetar i Forcave ushtarake ajrore të Bullgarisë. – Pak vende në botë mund të lavdërohen me një historik kaq të pasur të aviacionit. Me rast të përvjetorit në festival Forcat ushtarake ajrore të Bullgarisë do të prezantohen me një program shumë dinamik. Ai përfshin veprimet e aviacionit gjuajtës, të transportit, të sulmit, të trajnimit. Do të demonstrohen misionet dhe detyrat kryesore të llojeve të ndryshme të aviacionit.”

© Foto: 100.airshow-bg.com

Radul Millkovi në aeroplanin “Albatros F2” pas fluturimit të parë ushtarak më 16 tetor 1912.

Ka një datë shumë të rëndësishme për aviacionin bullgar, e cila hyri në historinë ushtarake botërore. Kjo është data 16 tetor i vitit 1912. Këtë ditë, gjatë Luftës ballkanike dy togerë bullgarë bënë njëkohësisht një fluturim zbulues dhe një bombardim. Kjo datë konsiderohet pagëzimi në zjarr i avionit dhe mësohet në shumë akademi ushtarake në botë.

Përgatiti në shqip: Ekaterina Tarpomanova

© Foto: 100.airshow-bg.com

По публикацията работи: Tanja Harizanova


Последвайте ни и в Google News Showcase, за да научите най-важното от деня!

Më shumë nga rubrika

Në BE, shkalla e vdekshmërisë për shkak të një aksidenti kardiovaskular është më e larta në Bullgari

Çdo vit në BE ka më shumë se 6 milionë raste të reja dhe mbi 1.8 milionë vdekje që lidhen me sëmundjet kardiovaskulare, raporton BTA, duke cituar zëvendëskryeministren dhe ministren e punëve të jashtme në dorëheqje Maria Gabriel. Në një konferencë..

botuar më 24-03-28 11.23.PD

Mbi 900 fëmijë në vendin tonë janë në pritje të prindërve birësues, është dyfishuar numri i atyre që duan të birësojnë

Në fillim të këtij viti më shumë se 1600 familje kanë treguar gatishmëri për të birësuar një fëmijë dhe numri i fëmijëve për të cilët janë kërkuar birësues të përshtatshëm ka qenë pak më shumë se 900. Sipas të dhënave të Agjencisë së Ndihmës..

botuar më 24-03-28 8.54.PD
Doc. Iskren Ivanov

Doc. Iskren Ivanov: Bankierët kanë frikë se do të shpallen emrat e evropianëve me ndikim që ndihmuan dhe po e ndihmojnë Moskën

Një konsensus parimor se si të ndihmohet Ukraina për të blerë armë dhe municione - kjo është ajo që liderët evropianë arritën në Këshillin e fundit Evropian. Ose paratë të vijnë nga të ardhurat e grumbulluara nga asetet ruse të “ngrira” për..

botuar më 24-03-27 7.55.MD