Për herë të parë Sofja është mikpritëse e takimit të nivelit të lartë të “Mensa International”

botuar më 11-10-12 12.51.MD

Që nga viti 1991 mbi 2000 bullgarë kanë zgjidhur testin në nivelin, i cili lejon anëtarësimin e tyre në “Mensa”.

Foto: BGNES

Më 13 tetor në Sofje do të takohen njerëzit më të mençur të planetit. Shefët e “Mensa” nga mbi 40 shtete në botë do të mbërrijnë te ne, që të diskutojnë mbi çështje më të ndryshme, por kryesisht mbi mënyrat e stimulimit të inteligjencës, mbi zbulimin dhe mësimin e fëmijëve dhe nxënësve me nivel të lartë të inteligjencës dhe mbi mënyrat për ndihmë të zhvillimit të organizatës.

“Ky është një takim i rregullt vjetor i Bordit ndërkombëtar të drejtorëve të “Mensa International”, i cili zhvillohet çdo vit në një shtet të ndryshëm, shpjegon Bojan Aleksandrov, anëtar i Këshillit drejtues të “Mensa Bullgaria”. Për herë të parë ngjarja zhvillohet në vendin tonë. Kjo pa dyshim është një njohje për ne, për punën në vend dhe koincidon me përvjetorin e 20 të organizatës bullgare.”

“Mensa” është organizata më e vjetër ndërkombëtare e njerëzve me koeficient të lartë të inteligjencës. Organizata u themelua në vitin 1946 në Angli nga juristët Roland Beril dhe doktor Lanselot Ueër. Aktualisht “Mensa” bashkon mbi 100 000 veta nga 100 shtete. Fillimi i degës së saj bullgare u vu në vitin 1991. Që nga atëherë mbi 2000 bullgarë kanë zgjidhur testin në nivelin, i cili lejon anëtarësimin e tyre në organizatë. Anëtarët e saj të përhershëm te ne janë 600 veta nga tërë vendi dhe janë të moshës së ndryshme dhe me profesione të ndryshme...

“Qëllimi i “Mensa” është që të zbulojë dhe të ndihmojë inteligjencën në të gjitha format e saj, thotë Bojan Aleksandrov. – Ka shumë lloje inteligjence: me fjalë, matematike, muzikore... Mënyrat, në të cilat “Mensa” mund të ndihmojë, janë me mjete financiare, duke zbuluar talente të reja dhe duke ndihmuar institucionet shtetërore dhe arsimore. Po shfrytëzoj rastin të them se bullgarët e rinj janë shumë të zellshëm dhe inteligjentë. Një vërtetim i kësaj janë çmimet nga olimpiada të ndryshme ndërkombëtare të shkencave natyrore dhe matematikës.”

A i përballojnë më lehtë sfidat në jetë njerëzit me koeficient të lartë të inteligjencës?

“Kjo ndihmon, në qoftë se përdoret në mënyrën e drejtë – është përgjigja e Bojan Aleksandrovit. – Për shembull, po të keni një kompjuter shumë të mirë, ju e merrni vendimin, nëse ta përdorni për lojëra, ose për një punë serioze. Kështu është dhe me intelektin. Ai mund të përdoret si për detyra serioze, ashtu dhe për detyrime, që nuk kërkojnë një angazhim kaq të madh.”

Kryetarja e “Mensa Bullgaria” është Daniella Simidçieva. Ajo është ndër njerëzit në botë me IQ më të lartë – 192 sipas testit të Xhon Rejvënit, ku treguesi mesatar është 100. Aktualisht Daniella Simidçieva e ka pezulluar postin e kryetares, sepse është angazhuar me fushatën paraelektorale te ne gjatë muajit tetor. Për këtë shkak në takimin e nivelit të lartë në Sofje vendi ynë do të paraqitet nga Galja Bozhinova, zëvendës kryetare e “Mensa Bullgaria”. Miqtë nga jashtë do të kenë mundësinë të shohin monumente të kulturës, të cilat janë emblema të kulturës sonë, si Kisha e Bojanës, Manastiri i Rillës dhe Manastiri i Baçkovos, Kështjella e Asenit, kompleksi trak afër Starosell dhe do të vizitojnë qytetet Plovdiv, Koprivshtica dhe Kazanllëk.

Përgatiti në shqip: Vesella Mançeva

По публикацията работи: Diana Hristakieva

Последвайте ни и в Google News Showcase, за да научите най-важното от деня!

Ndaje

Për herë të parë Sofja është mikpritëse e takimit të nivelit të lartë të “Mensa International”

Më shumë nga rubrika

Nxënës bullgarë janë të parët në një konkurs evropian të së drejtës ndërkombëtare

Dita e Antarktidës shënohet në Universitetin e Sofjes “Shën Kliment Ohridski”

Gjimnazistë bullgarë në një betejë me dezinformimin

Fati i një tufë delesh bashkoi bullgarët në një kauzë të përbashkët për t'i shpëtuar

Shkencëtarët studiojnë gjenomin e Bullgarisë

Dina Xhevali nga Siria: Kam jetuar një jetë pa rrugëdalje, ndërsa në Bullgari asgjë nuk është e vështirë për mua