Para disa ditësh Kori Akademik “Angell Manollov” u kthye nga Franca ku pati një turne tepër të suksesshme. Ansambli është një nga koret më të vjetra bullgare. Ai ka një numër të konsiderueshëm pjesëmarrjesh në skenën ndërkombëtare.

Që prej vitit 1933 e deri më sot Kori Akademik “Angell Manollov” bashkon të rinj të talentuar nga të gjitha shkollat e kryeqytetit. Ai u themelua në Shtëpinë Nacionale të Studentit në Sofje nga dirigjenti Angell Manollov, emrin e të cilit mban sot kori. Mjeshtri qëndron në pultin e dirigjentit për 57 vite me radhë – një “rekord” artistik në historinë e muzikës bullgare. Gjatë këtyre 80-të viteve kori ka fituar dhjetëra çmime të arta nga konkurse dhe festivale. Budapest, Berlin, Moskë, Britani e Madhe – janë vetëm një pjesë e kryeqyteteve botërore të artit të korit, ku është i njohur emri i ansamblit.

Prej vitit 1998 ansambli drejtohet nga Darena Popova, e cila ka mbaruar studimet e larta në Akademinë Nacionale të Muzikës “Panço Vlladigerov”. Nga ky vit kori fitoi disa nga çmimet më të mëdha. Ndërsa zonja Popova fitoi për të tretën herë çmimin për dirigjentin më të mirë në Konkursin Ndërkombëtar për Artin e Korit në Freamunde të Portugalisë në vitin 2010-të. Ndër vite ndërrohet edhe vetë përbërja e ansamblit – së bashku me studentët në skenë u ngjitën edhe mësues të rinj, inxhinierë, avokatë.

“Çdo vit Kori ynë ka disa pjesëmarrje jashtë vendit, përveç koncerteve që mbajmë këtu në Bullgari – rrëfen Darena Popova. Ftesat që na vijnë nga jashtë sa vjen e shtohen. Ç'është e vërteta ne çdo vit fitojmë çmime. Ndoshta për këtë arsye kemi marrë dhe emrin “Kori – kampion”. Gjatë vitit 2010 kori morri pjesë në edicionin e pesëdhjetë të Festivalit Ndërkombëtar “Provans” të Francës. Kishim shtatë koncerte, shtatë përjetime të mrekullueshme në skenë para një publiku të entuziazmuar. Suksesi i madh që patëm atje është arsyeja që edhe këtë vit të kemi ftesë. Ne ishim të ftuar në të njëjtin forum, por jashtë programit të festivalit. Sapo mbaroi turneu ynë në tetë qytetet më të mëdha të Francës – Nicë, Marsejë, Lion, Tur, Paris, etj. Të gjithë mendonin se jemi profesionalistë. Askush nuk besonte se kori ynë ishte amator. Kritika shkroi se koncertet tona ishin të përkryera. Kishim një program prej dy orësh ku përfshiheshin tridhjetë e dy pjesë muzikore. Kishim muzikë nga epoka e Rilindjes, Barokut, pjesë klasike dhe romantike, këngë kishtare ortodokse, pjesë nga shkolla e kompozitorëve bullgarë. Nga organizatorët e festivalit na kërkuan të përfshijmë edhe pjesë opere si dhe aria. Ne zgjodhëm “Kasta Diva” pjesë e “Normës” së Bethovenit, “Kori i hebrenjve” nga “Nabuko” të Verdit. Pjesë nga “Traviata”, “Karmen” e Bizesë, etj. Kemi mahnitur publikun francez.”

Po të doni të dëgjoni disa interpretime të Korit “Angell Manollov” klikoni AUDIO. Ju urojmë minuta të këndshme!

Përgatiti në shqip: Sofika Male
Fotografitë janë ofruar nga Kori “Angell Manollov”