Suxhuku i Gorna Orjahovicës u bë produkti i parë bullgar, i përfshirë në regjistrin evropian të të ashtuquajturave emra të mbrojtur gjeografikë. Para disa ditësh reglamenti për regjistrimin e tyre u publikua në gazetën zyrtare të BE-së.
Sipas rregullave emri i mbrojtur gjeografik shpallet pas procedurave të gjata. Prodhuesit duhet të japin prova se produkti i tyre prodhohet në regjionin përkatës, se prodhimi i tij ka filluar para qindra vitesh sipas një recete speciale dhe është lidhur me rritjen tradicionale të kafshëve vendas. Në këtë drejtim Bullgaria ka arsye për t’u lavdëruar. Përgatitja e mishit te ne është pjesë e kuzhinës sonë tradicionale dhe është bërë një art i vërtetë. Pas zgjedhjes së recetës më të mirë për përgatitjen e pastërmasë, salsiçeve, suxhukëve, llukanikëve etj., vjen radha e çokanisjes dhe e bluarjes së mishit. Sa për proporcionin e erëzave, ky është sekret. Pas kësaj është mbushja, tharja dhe formimi me petës i produktit të ardhshëm kulinar, gjersa bëhet mezeja e shijshme.
Në trojet tona kjo është një traditë shumëshekullore. Sipas arkeologëve shpellat si “Baço Kiro” afër Drjanovos, si dhe të tilla afër Bellogradçikut, janë jo vetëm disa prej rajoneve më të vjetra në Evropë, të populluara me njerëz. Mbeturinat arkeologjike atje janë një provë e sigurt se atje është përgatitur barbekjuja më e vjetër në Gadishullin Ballkanik. Sipas historianit Dimitër Angellov, në vazhdim të disa mijëvjeçarëve Ballkani është një vend tërheqës për mbi 33 fise dhe popuj. Paleologët janë të befasuar nga menyja e pasur e stërgjyshërve tanë. Ata kanë përpunuar mish kau, mish prej delesh, dhish, gomari dhe kali. Thonë se për shkak të rrymës unikale ajrore, e cila kalon përmes malit Stara Pllanina afër qytetit Elena, specialiteti vendas – kofsha e thatë e Elenës ka shije të jashtëzakonshme. Mishi është prej derri. Shumë njerëz e kanë ndjekur shumë rreptë recetën, por në rajone të tjera dhe nuk kanë arritur rezultatin e pritur. Në jug, buzë malit Pirin, gjenden qytetet Bansko dhe Razllog. Ata janë shumë afër njëri tjetrit, por sa për kuzhinën e tyre mund të shkruhet një enciklopedi e veçantë. Turistët bullgarë e të huaj vetëm mund të përfitojnë nga kjo. Herën e parë do të hanë kapama në Bansko, herën tjetër – në Razllog.
Në juglindje, në malin Stranxha gatuhet i ashtuquajturi “Gjysh i Stranxhës”. Ky delikates i vjetër përgatitet prej derri të egër dhe dreri, kurse erëzat që përdoren janë krip, sheqer, shtërmen, piper i zi dhe piper i kuq pikant. Sot flitet shumë për ekologji.
Stërgjyshërit tanë nuk e kanë përdorur këtë fjalë, por e kanë kullotur bagëtinë në livadhe ekologjike, të cilat i kanë quajtur “sovati”. Ky emër vjen nga emri i krahinës “Sovata” – kjo është një livadhe jashtëzakonisht e bukur, plotë lule, bimë mjekësore dhe ujë, afër Danubit, midis qyteteve të sotme Svishtov dhe Gorna Orjahovica. Para disa shekujsh vendi ishte shumë i njohur. Atëherë u ndërtuan punishtet për prodhim mishi, të cilat përhapën famën e Suxhukut të Gorna Orjahovicës. Një produkt tjerë tradicional, llukaniku i Smjadovos, fitoi medalje të artë në vitin 1933 në Ekspozitën ndërkombëtare në Bari të Italisë. Nuk mund të mos përmendim dhe një produkt tjetër, me emrin origjinal – napllavok. Këto janë pite të rrumbullakëta prej mishi, të thara në shpuzë prej druri. Ato përgatiten sipas një teknologjie të vjetër në Gorno Dragalishte, një fshat midis Rillës, Pirinit dhe Rodopeve. Vetëm atje. I ashtuquajturi “navpllavok” nuk mund të prishet 2 vjet, megjithëse deri tani gjithmonë e kanë ngrënë para afatit të tij të skadimit.
Përgatiti në shqip: Vesella Mançeva
Kreu i shtetit Rumen Radev ia dorëzoi Shenjën e Nderit Radios Kombëtare Bullgare (BNR). Distinktivin e nderit e mori drejtori i përgjithshëm i BNR-së, Milen Mitev, gjatë koncertit solemn në Operën dhe Baletin e Sofjes me rastin e 90-vjetorit të Radios..
Më 25 janar 1935 u nënshkrua dekreti i Mbretit Boris III, me të cilin transmetimet radiofonike në Bullgari u bënë pronë shtetërore dhe kështu zyrtarisht u vu fillimi i "Radio Sofjes", siç quhej Radioja Kombëtare Bullgare. Në qershor të po këtij viti, si..
Më 25 janar të këtij viti Radioja Kombëtare Bullgare (BNR) do të festojë 90 vjetorin e saj. Festimi i Shtëpisë së Vjetër, siç e quajmë radion tonë, do të shoqërohet me iniciativa të ndryshme dhe kulmi do të jetë ceremonia e ndarjes së Çmimeve Vjetore të..
Historia e Emisioneve në Gjuhë të Huaja të Radios Kombëtare Bullgare, transmetimet e të cilëve me valë të shkurtra filluan në vitin 1936, vetëm një vit..
Patriku bullgar Daniill ndodhet në Tiranë, Shqipëri, për ceremoninë mortore të Kryepeshkopit të Shqipërisë Anastasi në Katedralen “Ngjallje e Krishtit”..
Studentët e Universitetit të Sofjes "Shën Kliment Ohridski" vizituan Radio Bullgarinë në kuadër të studimeve të tyre në degën e "Ballkanistikës". Të..
Pjesërisht me re
Vranësira të dendura
Vranësira